- યમન નજીક વધુ એક જહાજને નિશાન બનાવવામાં આવ્યું
- જહાજની નજીક એરિયલ વ્હીકલનો જોરદાર વિસ્ફોટ થયો હતો
- જહાજને કોઈ નુકસાન થયું નથી અને તમામ ક્રૂ મેમ્બર સુરક્ષિત છે
અરબ સાગરમાં ઈઝરાયેલના જહાજ પર ડ્રોન હુમલાનો મામલો હજુ ઉકેલાયો નથી ત્યા તો યમન નજીક વધુ એક જહાજને નિશાન બનાવવામાં આવ્યું છે. યુનાઇટેડ કિંગડમ મેરીટાઇમ ટ્રેડ ઓપરેશનર અનુસાર જહાજને યમનના સલિફ બંદરથી લગભગ 45 નોટિકલ માઇલ દક્ષિણ-પશ્ચિમમાં બાબ અલ-મંડબ સ્ટ્રેટની નજીક નિશાન બનાવવામાં આવ્યું છે. UKMTO અનુસાર લાલ સમુદ્રમાં આગળ વધી રહેલા જહાજની નજીક એરિયલ વ્હીકલનો જોરદાર વિસ્ફોટ થયો હતો. જોકે એજન્સીનો દાવો છે કે જહાજને કોઈ નુકસાન થયું નથી અને તમામ ક્રૂ મેમ્બર સુરક્ષિત છે. UKMTOના અધિકારીઓનું કહેવું છે કે આ મામલાની તપાસ કરવામાં આવી રહી છે.
સાવચેત રહેવા સલાહ અપાઈ હતી
તમને જણાવી દઈએ કે અત્યાર સુધી એ જાણી શકાયું નથી કે આ જહાજ ક્યાંથી આવી રહ્યું હતું અને કઈ દિશામાં જઈ રહ્યું હતું. આ સિવાય આ જહાજ કયા દેશનું છે તે અંગે કોઈ માહિતી મળી નથી. જો કે એવું કહેવામાં આવી રહ્યું છે કે યુકેએમટીઓએ પહેલેથી જ જહાજના ક્રૂ મેમ્બર્સને યમન નજીકથી પસાર થતી વખતે સાવચેતી રાખવાની સલાહ આપી હતી.
શા માટે જાહજો નિશાના પર છે ?
તમને જણાવી દઈએ કે હમાસ અને ઈઝરાયેલ વચ્ચે ચાલી રહેલા યુદ્ધ દરમિયાન દરિયાઈ જહાજો પર હુમલામાં નોંધપાત્ર વધારો થયો છે. યમનના હુથી વિદ્રોહીઓ અહીંથી પસાર થતા જહાજોને પણ નિશાન બનાવી રહ્યા છે. જો તેમને ઈઝરાયેલ જઈ રહેલા કોઈ જહાજ વિશે કે ઈઝરાયેલ સાથે સંબંધિત હોવાની માહિતી મળે તો તેઓ તેને નિશાન બનાવે છે. હુથી બળવાખોરોની સાથે ઈરાન તરફી અને પેલેસ્ટાઈન જૂથો માને છે કે દરિયાઈ જહાજોને નિશાન બનાવવાથી ઈઝરાયેલના વ્યવસાય પર સીધી અસર પડશે. સાઉદી અરેબિયાથી મેંગલોર આવી રહ્યો હતો આ પહેલા 23 ડિસેમ્બરે અરબ સાગરમાં ઈઝરાયેલના જહાજ પર ડ્રોન હુમલાની માહિતી સામે આવી હતી. આ હુમલાને કારણે જહાજમાં આગ લાગી હતી અને તેની સાથે માલવાહક જહાજની વીજળી પણ ખોરવાઈ ગઈ હતી. આ જહાજ અરબી સમુદ્રમાં કાર્ગો લઈને ભારત તરફ આગળ વધી રહ્યું હતું. આ દરમિયાન ઈઝરાયેલના જહાજ પર અરબી સમુદ્રમાં ડ્રોન દ્વારા હુમલો કરવામાં આવ્યો હતો. આ હુમલો ગુજરાતના વેરાવળથી 200 કિલોમીટર દક્ષિણ-પશ્ચિમમાં કરવામાં આવ્યો હતો
