તમારા કામનું / વહેલી સવારે હૂંફાળા પાણીમાં એક ચમચી ઘી નાંખીને પી જાઓ: એક અઠવાડિયામાં ગાયબ થઈ જશે તમામ બીમારી, ત્વચા કરશે ગ્લો

• શિયાળામાં ભોજનમાં ઘીનો ઉપયોગ કરવો જોઈએ
• 1 ચમચી દેશી ઘી તમને ઘણી બીમારીઓથી દૂર રાખે
• હુંફાળા પાણીમાં ઘી ભેળવીને પીવાથી પેટ સાફ રહે 

ડોક્ટર્સ અને હેલ્થ એક્સપર્ટના મતે શિયાળામાં તમારા ભોજનમાં વધુને વધુ ઘીનો ઉપયોગ કરવો જોઈએ. ઘણીવાર એવું કહેવામાં આવે છે કે 1 ચમચી દેશી ઘી તમને ઘણી બીમારીઓથી દૂર રાખે છે. આટલું જ નહીં, હુંફાળા પાણીમાં ઘી ભેળવીને પીવાથી માત્ર સ્થૂળતા જ ઓછી નથી થતી પણ પેટ સાફ રહે છે, એટલે કે કબજિયાતની સમસ્યામાંથી રાહત મળે છે. આ બધા સિવાય તે શરદી, ઉધરસ અને ફ્લૂ જેવા મોસમી રોગોથી પણ રાહત આપે છે. આજે આ લેખ દ્વારા અમે તમને જણાવીશું કે શિયાળામાં ઘીનો ઉપયોગ કેવી રીતે કરવો અને તમે એ પણ જાણી શકશો કે તેને પીવાનો યોગ્ય સમય કયો છે?

આજકાલ આધુનિક જીવનશૈલી આપણને આપણી જૂની વસ્તુઓથી દૂર લઈ જઈ રહી છે. હવે યુવા પેઢી ઘી ખાતી નથી કારણ કે તેઓ અડધાથી વધુ સમય ડાયટ પર હોય છે અથવા તો તેમને લાગે છે કે જો તેઓ ઘી ખાશે તો તેઓ જાડા થઈ જશે. હવે સવાલ એ થાય છે કે ઘીનો આહારમાં સમાવેશ કરવો જોઈએ કે નહીં? મોટાભાગના લોકોને લાગે છે કે ઘી ખાવાથી તેઓ જાડા થઈ જશે. તમારી જાણકારી માટે તમને જણાવી દઈએ કે આ એક મોટી મિથ છે. ઘી ખાવાથી તમે બિલકુલ જાડા નહીં થાવ. જો વધુ પડતું ઘી વજન વધારે છે તો તે વજન ઘટાડવા માટે પણ ઉપયોગી છે. જો તમારે ઘીનો પૂરો લાભ લેવો હોય તો તમારે તેનો ઉપયોગ કરવાની રીત બદલવી પડશે. જો તમે ઘીનો પૂરેપૂરો લાભ મેળવવા ઈચ્છો છો તો તેનો ઉપયોગ નવશેકા પાણી સાથે કરો.

ઘી ઉપયોગ કેવી રીતે કરવો તે જાણો

સવારે ઉઠ્યા પછી સૌથી પહેલા એક ગ્લાસ નવશેકું પાણી લો, તેમાં એક ચમચી દેશી ઘી નાખીને પી લો. આને પીવાથી કબજિયાતમાં રાહત મળશે અને પાચનક્રિયા પણ સુધરે છે. એટલું જ નહીં, તમને ત્વચાની ચમકમાં પણ ફરક દેખાવા લાગશે.

હૂંફાળા પાણીમાં ઘી ભેળવીને પીવાથી ફાયદો થાય 

કબજિયાતની સમસ્યામાંથી રાહત

જે લોકો વારંવાર કબજિયાતથી પીડાય છે તેમણે દેશી ઘી ભેળવીને હુંફાળું પાણી ચોક્કસ પીવું જોઈએ. આનાથી મોટા અને નાના બંને આંતરડાની શુષ્કતા દૂર થાય છે અને પાચનમાં સુધારો થાય છે.

આંખો માટે ફાયદાકારક 

દેશી ઘી આંખો, ત્વચા, પેટ અને વાળ માટે ખૂબ જ સારું છે. તે ઠંડકનું કામ કરે છે. દેશી ઘીમાં ઓમેગા-3 હોય છે જે આંખોની રોશની સુધારવામાં મદદ કરે છે. આંખની શુષ્કતા પણ ઘટાડે છે. તેથી હુંફાળું પાણી પીવું ફાયદાકારક છે.

ત્વચા માટે સારું 

દેશી ઘી પીવાથી ત્વચા ચમકદાર બને છે. તમારી ત્વચાની શુષ્કતાને અંદરથી ઘટાડે છે. હુંફાળા પાણીમાં ઘી ભેળવીને પીવાથી આંતરડા અંદરથી સાફ થાય છે. સાથે જ શરીરમાં જમા થયેલ ટોક્સિન્સ બહાર આવે છે. જેના કારણે ત્વચામાં ચમક આવે છે.

શરદી અને ઉધરસની સમસ્યામાંથી રાહત

રોજ ખાલી પેટે ઘી ભેળવીને નવશેકું પાણી પીવાથી શિયાળામાં શરદી-ખાંસીની સમસ્યામાં રાહત મળે છે. દેશી ઘી અને ગરમ પાણી મળીને નાક, ગળા અને છાતીના ઈન્ફેક્શનને દૂર કરે છે. સાથે જ તે શરીરને ગરમ રાખવાનું પણ કામ કરે છે.