- LICને એક મહિનામાં પડ્યો આ ફટકો
- હિંડનબર્ગ અને અદાણી ગ્રુપના વિવાદ વચ્ચે પીસાતી એલઆઈસી
- એલઆઈસી કંપનીના શેરની કિંમત પણ સતત ઘટી રહી
હિંડનબર્ગ રીપોર્ટ બાદ અદાણી ગ્રુપના શેરમાં દિન પ્રતિદિન ઘટાડો જોવા થઈ રહ્યો છે જે જાણે અટકવાનું નામ જ ન લેતો હોય તેવી સ્થિતિ જણાઈ રહી છે. તેને જોતા એક સમયે તો લોકો LICના શેર ધારકોને પણ ચિંતામાં વધારો થયો હતો. તેની પાછળના કારણની વાત કરીએ તો LIC એ ગૌતમ અદાણીના શેરમાં ઘણુ રોકાણ કર્યુ હતુ.
એલઆઈસીની મુશ્કેલી પણ વધી
અમેરિકાની રિસર્ચ ફોર્મ કે કંપની એવી હિંડનબર્ગ રીપોર્ટ બાદ અદાણીના શેરની કિંમતમાં સતત ઘટાડો થતો જાય છે. ત્યારે અદાણી ગ્રુપની સાથે સાથે સરકારી વીમા કંપની એવી લાઈફ ઈન્સ્યોરન્સ કોર્પોરેશન ઓફ ઈન્ડિયા એટલે કે એલઆઈસીની મુશ્કેલી પણ વધી રહી છે. કારણ કે હિંડનબર્ગ અને અદાણી ગ્રુપના વિવાદ વચ્ચે હાલ તો એલઆઈસી વચ્ચે પિસાઈ રહી છે. અને તેની અસર કંપનીના શેરની કિમતમાં પણ જોવા મળી રહી છે. જેને પગલે એલઆઈસી કંપનીના શેરની કિંમત પણ સતત ઘટી રહી છે. અને કંપનીને સતત નુકશાન થઈ રહ્યુ છે. શુક્રવારે BSE એટલે કે બોમ્બે સ્ટોક એક્સચેન્જ પર એલઆઈસીના શેરની કિંમતની વાત કરીએ તો એક ટકાથી વધુ ઘટીને રૂ.584.70 પર બંધ થયો હતો.
17 ટકા તૂટ્યા LICના શેર
અદાણી ગ્રુપ અને હિંડનબર્ગની લડાઈની અસર હાલની બજારમાં એલઆઈસી પર જોવા મળી રહી છે. ઉલ્લેખનીય છે કે હિંડનબર્ગના રીપોર્ટ બાદ અદાણી ગ્રુપના તમામ શેરની કિંમતમાં સતત ઘટાડો થઈ રહ્યો છે અને તે ઘટાડો ઉભુ રહેવાનું નામ નથી લેતો ત્યારે હવે એલઆઈસીના શેરની કિંમતમાં પણ આ અસર જોવા મળી છે અને તેના ભાવ પણ દિન પ્રતિદિન ઘટી રહ્યા છે. હિંડનબર્ગના રીપોર્ટ બાદ એલઆઈસી શેરમાં ૧૭ ટકાનો ઘટાડો જોવા મળ્યો છે.
આ કંપનીની માર્કેટ મૂડીની વાત કરીએ તો વીમા કંપનીની માર્કેટ મૂડીમાં એક જ મહિનમાં ૭૫ હજાર કરોડ રૂપિયાનો ઘટાડો નોંધાઈ ચૂક્યો છે. મહત્વનું છે કે ૨૪ જાન્યુઆરીએ એલઆઈસીનું માર્કેટ કેપ ૪,૪૪,૧૪૧ કરોડ રૂપિયા હતુ. જે ઘટતા ઘટતા શુક્રવારે માર્કેટ બંધ થયુ ત્યાં સુધીમાં રૂપિયા ૩,૬૯,૭૯૦ થઈ ગયુ છે.
