શ્રદ્ધાનો વિષય / ગુજરાતનો એક એવો વિસ્તાર જ્યાં શ્વાનો માં જગદંબાની આરતીમાં અચૂક રહે છે હાજર, આરતી પણ ગાય છે

• ભરૂચના વલંદા કોઠી અંબાજી મંદિર ચર્ચામાં
• સવાર સાંજ થતી આરતીમાં શ્વાનોની અચૂક હાજરી
• આરતી પૂરી ના થાય ત્યાં સુધી મંદિરના પટાંગણ માં જ રહે છે શ્વાન

 હાલ નવલી નવરાત્રી ચાલી રહી છે અને ઠેર ઠેર માતાજીની આરાધનાથી ધર્મ, ભક્તિ અને ઉત્સાહનો માહોલ છે. આવી સ્થિતિ વચ્ચે ભરૂચના વલંદા કોઠી વાલ્મિકીવાસ ખાતે આવેલ અંબાજી માતાનું મંદિર આજુબાજુના લોકોમાં ચર્ચાનું કેન્દ્ર બન્યું છે કારણ કે આ મંદિરે સવાર સાંજ થતી આરતીમાં શ્વાનોની અચૂક હાજરી હોવાથી લોકોમાં ભારે કુતુહલતા જોવા મળી રહી છે.

પૂજારી ધર્મેશભાઈ સોલંકીએ જણાવ્યું કે...

માં અંબાના પ્રાચીન મંદિરમાં ત્રણ પેઢી ઉપરથી આદ્યશક્તિ મા જગદંબાની સવાર સાંજ આરતી કરવામાં આવતી હોય છે. જેનો શંખનાદ થતાની સાથે જ શેરીમાં લટાર મારતા કુતરાઓ પહોંચી જાય છે. તેમ મંદિરના પૂજારી તેમજ શેરીના વડવાઓનું કહેવું છે. પૂજારી ધર્મેશભાઈ સોલંકીએ જણાવ્યું કે તેમના પિતા બચુભાઈ સોલંકી નિયમિત આરતી કરતા તે સમયથી આ મંદિરમાં શ્વાન આરતીમાં નજરે પડે છે.

આરતી પૂરી ના થાય ત્યાં સુધી મંદિરના પટાંગણમાં જ રહે છે શ્વાન

શ્રદ્ધાનો વિષય હોય ત્યાં પુરાવાની શુ જરૂરની માફક સવાર સાંજની આરતીમાં શ્વાનો પોતાના અવાજમાં માં અંબાની આરતી ગાતા પણ નજરે પડે છે. આથી માતાજીની આરતીના સૂરમાં સૂર પુરાવતા હોય તેવા દ્રશ્યો સર્જાઈ છે. આખો દિવસ શેરીઓમાં રખડતા શ્વાનો આરતીના સમયે મંદિરના પટાંગણમાં આરતી પૂરી ન થાય ત્યાં સુધી મંદિરમાં જ રહે છે.