- તમામ દિવસ અલગ દેવી દેવતાઓને સમર્પિત
- શુક્રવારનો દિવસ માઁ લક્ષ્મીને સમર્પિત
- આ દિવસે કેટલાક કામ ના કરવા જોઈએ
હિંદુ ધર્મમાં તમામ દિવસ અલગ દેવી દેવતાઓને સમર્પિત છે. તે પ્રકારે શુક્રવારનો દિવસ માઁ લક્ષ્મીનો માનવામાં આવે છે. માનવામાં આવે છે કે, આ દિવસે વિધિ વિધાન સાથે માઁ લક્ષ્મીની પૂજા કરવાથી તમામ મનોકામના પૂર્ણ થાય છે. શુક્રવારના દિવસે માઁ લક્ષ્મીને તેમની પ્રિય વસ્તુઓ અર્પણ કરવી જોઈએ. આ દિવસે કેટલાક ખાસ કામ ના કરવા જોઈએ, નહીંતર ઘરમાં કંગાળી આવી શકે છે.
શુક્રવારે કયા કામ ના કરવા-
સાકર આપવી નહીં- શુક્રવારના દિવસે કોઈપણ વ્યક્તિને સાકર ના આપવી જોઈએ. આ પ્રકારે કરવાથી શુક્ર ગ્રહ નબળો પડે છે. કોઈપણ વ્યક્તિના જીવનમાં સુખ અને સમૃદ્ધિ શુક્ર ગ્રહના પ્રભાવથી જ આવે છે, જેથી શુક્ર ગ્રહ નબળો પડે તો સુખ અને સમૃદ્ધિ નષ્ટ થઈ જાય છે.
ઘર ચોખ્ખુ રાખવું-
ઘરમાં સાફ સફાઈ રાખવાથી ઘરમાં લક્ષ્મીનો વાસ રહે છે. માનવામાં આવે છે કે, લક્ષ્મી માતા ગંદી જગ્યાએ આવતા નથી. આ કારણોસર શુક્રવારે ભૂલથી પણ ઘરમાં ગંદકી ના કરવી જોઈએ. માનવામાં આવે છે કે, જે ઘરમાં ગંદકી હોય છે. ત્યાં માઁ લક્ષ્મીનો વાસ થતો નથી.
માંસ-મદિરાનું સેવન ના કરવું-
શુક્રવારના દિવસે ભૂલથી પણ માંસ-મદિરાનું સેવન ના કરવું જોઈએ. શક્ય હોય તો આ દિવસે સંપૂર્ણપણે સાત્ત્વિક ભોજન કરવું. આ દિવસે માંસ-મદિરાનું સેવન કરવાથી ઘરમાં અશાંતિ ફેલાય છે.
અપશબ્દો બોલવા નહીં-
માનવામાં આવે છે કે, શુક્રવારે કોઈની સાથે લડાઈ ઝઘડો ના કરવો જોઈએ અને અપશબ્દો ના બોલવા જોઈએ. આ દિવસે ગાળો બોલવાથી માઁ લક્ષ્મી રુષ્ટ થઈ જાય છે અને નાણાંકીય નુકસાન થાય છે.
ઉધાર લેવડ દેવડ ના કરવી-
શુક્રવારે ઉધાર નાણાંકીય લેવડ દેવડ ના કરવી જોઈએ, નહીંતર માઁ લક્ષ્મી નારાજ થઈ જાય છે. જેના કારણે નાણાંકીય નુકસાન થઈ શકે છે.
