DIWALI 2023 / દિવાળીના દિવસે ગરોળી દેખાઈ જાય તો સમજી જજો, થવાની છે બમ્પર રૂપિયાની આવક: તરત કરો આ કામ

• આજે દેશભરમાં ઊજવાશે દિવાળીનો પર્વ
• દિવાળીનાં દિવસે ગરોળી દેખાવી શુભ માનવામાં આવે છે
• ગરોળી દેખાય ત્યારે તાત્કાલિક એક નાનું કામ કરવું જોઈએ

આજે સમગ્ર દેશમાં શુભ દિવાળીની ઊજવણી કરવામાં આવી રહી છે. દિવાળીનાં દિવસે કેટલાક સંકેતો મળવું ખુબ જ શુભકારી માનવામાં આવે છે. એ સંકેત જણાવે છે કે માં લક્ષ્મી તમારા પર આશીર્વાદ વરસાવી રહ્યાં છે. જો આજનાં દિવસે તમને ઘરમાં કે ઓફિસમાં કે બીજે ક્યાંય ગરોળી દેખાય છે તો તેને શુભ સંકેત માનવામાં આવ્યો છે. દિવાળીનાં દિવસે ગરોળી દેખાવી મતલબ કે તમારા ઘરમાં માં લક્ષ્મી પ્રવેશ કરવાનાં છે. જ્યોતિષ અને ધર્મમાં ગરોળીનો સંબંધ માં લક્ષ્મી સાથે કરવામાં આવ્યો છે. 

દિવાળીનાં દિવસે ગરોળી દેખાવી
સામાન્ય રીતે જ્યારે ગરોળી દેખાય છે ત્યારે લોકો ગભરાઈ જતાં હોય છે. જ્યારે કેટલાક મામલાઓમાં ઘરમાં ગરોળીનું દેખાવું શુભ પણ માનવામાં આવે છે. જ્યોતિષ અનુસાર દિવાળીનાં દિવસે ગરોળી દેખાય તો ધનલાભ થઈ શકે છે.  આજનાં દિવલે ગરોળી દેખાવી પૈસાની તંગીને દૂર કરે છે અને વ્યક્તિ વધુને વધુ પૈસા મેળવે છે.

તરત જ કરવું આ કામ
જ્યોતિષ અનુસાર જો આજનાં દિવસે તમને ગરોળી દેખાય છે તો તરત જ મંદિરમાં કે ભગવાનની મૂર્તિ પાસે રહેલ રોલી-ચોખાને ગરોળી પર દૂરથી જ છાંટવું. સાથે જ માં લક્ષ્મીને પોતાની મનોકામનાઓ જણાવતાં ગરોળીને પ્રાર્થના કરો. આવું કરવાથી તમારી ઈચ્છા પૂર્ણ થઈ શકે છે. સાથે જ તમને ધન સંબંધિત સમસ્યાઓનું સમાધાન પણ મળી શકે છે.