- Maruti Suzuki S-Pressoમાં ₹54,000નું ડિસ્કાઉન્ટ
- 32 કિમીની માઈલેજ આપવામાં સક્ષમ છે Maruti Suzuki S-Presso
- કોઈ જ વેઈટીંગ પીરિયડ પણ નથી
મજબૂતી અને શ્રેષ્ઠ માઈલેજ માટે મારુતિ સુઝુકીની કાર લોકોની પહેલી પસંદ બની છે. લોકો આ કંપનીની કાર ખરીદવામાં વધુ વિચારતા નથી. તેમાં પણ હવે મારુતિ સુઝુકી કંપનીની S-Presso છે આગામી સમયમાં બજારમાં ધૂમ બચાવે તો નવાઈ નહિ કારણ કે આ કાર પર ઓક્ટોબર 2023માં 54,000 રૂપિયા સુધીનું ડિસ્કાઉન્ટ આપવામાં આવી રહ્યું છે. ભારતમાં 4.26 લાખ રૂપિયાની કિંમતમાં S-Presso મળી શકે છે. સાથે જ તે સાત કલર વિકલ્પો અને ચાર વેરિઅન્ટમાં પણ હાજર મળી શકે છે. તેમા પણ Arena રેન્જમાં અમુક મારુતિ સુઝુકી ડીલરશિપ ચાલુ મહિને સમગ્ર મોડલ પર મોટા પાયે ડિસ્કાઉન્ટ આપી રહી છે. જેમાં રોકડ ડિસ્કાઉન્ટ, એક્સચેન્જ બોનસ અને કોર્પોરેટ ડિસ્કાઉન્ટ રૂપે ગ્રાહકો તેનો લાભ મેળવી શકશે.
50 હજાર ઉપરાંતનું જંગી ડિસ્કાઉન્ટ
ડિસ્કાઉન્ટ અંગે વાત કરીએ તો Maruti S-Presso પેટ્રોલ વેરિઅન્ટ પર 30,000 રૂપિયાનું રોકડ ડિસ્કાઉન્ટ આપવામા આવે છે. ત્યારબાદ 20,000 રૂપિયાનું એક્સચેન્જ બોનસ અને 4,000 રૂપિયાનું કોર્પોરેટ ડિસ્કાઉન્ટ મળી કુલ 50 હજાર ઉપરાંતનું જંગી ડિસ્કાઉન્ટ અપાઈ છે. સાથે જ CNG વેરિઅન્ટ પર 30,000 રૂપિયાનું રોકડ ડિસ્કાઉન્ટ અને 20,000 રૂપિયાનું એક્સચેન્જ બોનસ પણ અપાઈ છે.
CNG વેરિઅન્ટ માટે 32.73km/kg ની માઈલેજ
માત્ર આ ચાલુ માસ જ નહીં પરંતુ છેલ્લા કેટલાક મહિનાઓથી S-Presso પર મોટું ડિસ્કાઉન્ટ અપાઈ રહ્યું છે. ખાસ વાત એ પણ છે કે આ કાર જુલાઈમાં મારુતિના એવા મોડલમાં સમાવેશ થતો હતો જેમાં વેઇટિંગ પીરિયડ ન હતું. જ્યારે સ્વિફ્ટ અને વેગનઆર પણ આ યાદીમાં હાજર હતી. સૌથી મોટી ખાસિયતની વાત કરીએ તો જોરદાર માઈલેજ છે. કારણ કે આ કારનું પેટ્રોલ વેરિઅન્ટ 24.76kmpl સુધીની જબરદસ્ત માઈલેજ આપે છે તો તેના CNG વેરિઅન્ટ માટે 32.73km/kg ની માઈલેજનો કંપની દ્વારા દાવો કરવામાં આવે છે.
