નિવેદન / Adipurush વિવાદ મામલે ડાયરેક્ટર ઓમ રાઉત તો લોકોને જ આપી રહ્યા છે સલાહ, કહ્યું તમારે સમજવું પડશે કે આ રામાયણ નહીં આદિપુરુષ છે

• આદિપુરુષ ફિલ્મને લઈ ફરી એકવાર મોટા સમાચાર 
• વિવાદને લઈ  ડિરેક્ટર ઓમ રાઉતે આ વિવાદો પર મૌન તોડ્યું 
• તમારે સમજવું પડશે કે આ રામાયણ નહીં આદિપુરુષ છે: ઓમ રાઉત

આદિપુરુષ ફિલ્મને લઈ ફરી એકવાર મોટા સમાચાર સામે આવ્યા છે. વાત જાણે એમ છે કે, પ્રભાસ અને કૃતિ સેનન સ્ટારર ફિલ્મ 'આદિપુરુષ' રિલીઝ થયા બાદથી જ વિવાદોમાં ઘેરાયેલી છે. ફિલ્મના ડાયલોગ્સ પર મોટાભાગે હંગામો મચ્યો છે. આ સાથે લોકો એ પણ ગુસ્સે છે કે, ફિલ્મમાં રામાયણની વાર્તા કરતાં વધુ એક્શન સીન છે. હવે ડિરેક્ટર ઓમ રાઉતે આ વિવાદો પર મૌન તોડ્યું છે.

ઓમ રાઉતે શું કહ્યું?
16 જૂન 2023ના રોજ સિનેમાઘરોમાં રિલીઝ થયેલી 'રામાયણ' પર આધારિત ફિલ્મ 'આદિપુરુષ' રિલીઝ થઈ ત્યારથી જ વિવાદોમાં ઘેરાયેલી છે. એક તાજેતરના ઇન્ટરવ્યુમાં, ઓમ રાઉતે કહ્યું કે જેઓ કહે છે કે, તેઓ રામાયણને સમજે છે તેઓ મૂર્ખ છે. રામાયણ એટલું મોટું છે કે, તેને સમજવું કોઈના માટે અશક્ય છે. જો કોઈ એવું કહે છે કે, તેઓ રામાયણને સમજે છે, તો તે કાં તો મૂર્ખ છે અથવા તેઓ જૂઠું બોલે છે. 

આ સાથે તેમણે કહ્યું કે, રામાયણ જે આપણે પહેલા ટીવી પર જોયું છે, આ એવી વસ્તુ છે જેને હું મોટા ફોર્મેટમાં જોઈને મોટો થયો છું. આપણે તેને ફિલ્મ (રામાયણ) કહી શકીએ નહીં. તેથી જ અમે તેને આદિપુરુષ કહીએ છીએ, કારણ કે તે રામાયણની અંદરનો એક ભાગ છે. તે એક યુદ્ધનો પ્રસંગ છે, જેને અમે બતાવવાનો પ્રયાસ કરી રહ્યા છીએ અને આ માત્ર યુદ્ધનો એક નાનો ભાગ છે. 

આદિપુરુષ પર શા માટે હોબાળો ? 
એક તરફ 'આદિપુરુષ' એ પહેલા જ દિવસે રેકોર્ડ તોડી નાખ્યા તો બીજી તરફ આ ફિલ્મને લઈને વિવાદ પણ વધી ગયો છે. લોકો ફિલ્મના ડાયલોગને ટપોરી ગણાવી રહ્યા છે. રાવણથી લઈને ઈન્દ્રજીતના પાત્રને પણ ચપરી કહેવામાં આવે છે. લોકોને આશા નહોતી કે, મનોજ મુન્તાશીર ઓમ રાઉતની 'આદિપુરુષ'માં ટપોરી સ્ટાઇલના ડાયલોગ્સનો ઉપયોગ કરશે. જોકે મનોજે તેનો બચાવ કરતા કહ્યું છે કે, તેણે તે જાણી જોઈને કર્યું છે જેથી લોકો આ ડાયલોગ્સ સાથે રિલેટ કરી શકે.