આર્થિક / દેશની ઈકોનોમી સુધરી, બે મોટા ટેક્સથી છલકાઈ સરકારની તિજોરી, ડાયરેક્ટ ટેક્સ કલેક્શનમાં બંપર ઉછાળો

• ડાયરેક્ટ ટેક્સ કલેક્શનમાં  23.8 ટકાનો ઉછાળો 
• 1 એપ્રિલથી 8 ઓક્ટોબર સુધી 8.98 લાખ કરોડ રૂપિયાને પાર પહોંચ્યું 
• કોર્પોરેટ આવકવેરામાં 16.73 ટકાનો વધારો
• વ્યક્તિગત આવકવેરામાં 32.30 ટકાનો વધારો
• આવકવેરા વિભાગે 1.53 લાખ કરોડ રૂપિયાનું રિફંડ જારી

કેન્દ્રીય નાણા મંત્રાલયે રવિવારે ડાયરેક્ટર ટેક્સ કલેક્શન સહિતના બીજા ઈન્કમ ટેક્સ કલેક્શનના આંકડા જાહેર કર્યાં છે. 
ચાલુ નાણાકીય વર્ષની શરૂઆતથી 8 ઓક્ટોબર 2022 સુધી ગ્રોસ ડાયરેક્ટ ટેક્સ કલેક્શન 8.98 લાખ કરોડ રૂપિયાને પાર પહોંચ્યું છે. ગત વર્ષની સરખામણીએ ચાલુ વર્ષમાં ડાયરેક્ટ ટેક્ષ કલેક્શનમાં 23.8 ટકાનો વધારો નોંધાયો છે. 

કોર્પોરેટ આવકવેરામાં 16.73 ટકા અને વ્યક્તિગત આવકવેરામાં 32.30 ટકાનો વધારો
ચાલુ નાણાકીય વર્ષ 2022-2023માં એપ્રિલથી અત્યાર સુધીમાં કોર્પોરેટ આવકવેરામાં 16.73 ટકાનો વધારો થયો છે. તે જ સમયે, વ્યક્તિગત આવકવેરામાં 32.30 ટકાનો વધારો થયો છે. રિફંડ બાદ પણ નાણાકીય વર્ષ 2022-23માં નેટ કોર્પોરેટ ઇન્કમ ટેક્સ કલેક્શનમાં 16.29 ટકા અને પર્સનલ ઇન્કમ ટેક્સ કલેક્શનમાં 16.25 ટકાના દરે વધારો થયો છે.

Direct Tax collections till Oct 8 stand at Rs 8.98 lakh cr which is 23.8% higher than gross collections for corresponding period of last year. Direct Tax collection, net of refunds, stands at Rs 7.45 lakh cr which is 16.3% higher than net collections last year: Finance Ministry

— ANI (@ANI) October 9, 2022

આવકવેરા વિભાગે 1.53 લાખ કરોડ રૂપિયાનું રિફંડ જારી કર્યું 
સેન્ટ્રલ બોર્ડ ઓફ ડાયરેક્ટ ટેક્સ અનુસાર, 1 એપ્રિલથી 8 ઓક્ટોબર, 2022 ની વચ્ચે, આવકવેરા વિભાગે 1.53 લાખ કરોડ રૂપિયાના રિફંડ જારી કર્યા છે, જે પાછલા વર્ષ કરતા 81% વધુ છે. ગત વર્ષની સરખામણીએ આ વર્ષે સપ્ટેમ્બર સુધીમાં નિકાસમાં 3.5 ટકાનો ઘટાડો થયો છે અને તેની સાથે ચાલુ નાણાકીય વર્ષમાં વેપાર બમણો થયો છે. આ સાથે બેઝિક ઇન્ડસ્ટ્રીનો ગ્રોથ ઓગસ્ટમાં ઘટીને 9 મહિનાના નીચલા સ્તર 3.3 ટકા પર આવી ગયો છે.

Gross collection of taxes on corporate earnings up 16.74 pc during Apr 1-Oct 8; personal income tax collection soars 32.30 pc: FinMin

— Press Trust of India (@PTI_News) October 9, 2022

Gross Direct Tax collections for FY 2022-23 upto 8th October, 2022 are at Rs. 8.98 lakh crore, higher by 23.8% over gross collections for corresponding period of preceding yr.

Net collections at Rs. 7.45 lakh crore are 16.3% higher than net collections for same period last yr. pic.twitter.com/eyMRvzzNTv

— Income Tax India (@IncomeTaxIndia) October 9, 2022

દેશમાં આર્થિક પ્રવૃત્તિમાં વધારો
ઉચ્ચ કર વસૂલાત બતાવે છે કે દેશમાં આર્થિક પ્રવૃત્તિમાં વધારો થયો છે. ભારતમાં ઔદ્યોગિક ઉત્પાદન અને નિકાસમાં મંદી હોવા છતાં ટેક્સ કલેક્શનમાં મજબૂતી જોવા મળી છે. આવી સ્થિતિમાં, કેટલાક નિષ્ણાતો માને છે કે દેશે આર્થિક વિકાસમાં તેની ગતિ ગુમાવી દીધી છે, પરંતુ કંપનીઓના નફાને કારણે, આ આંકડા બહાર આવી રહ્યા છે. આ પહેલા રિઝર્વ બેંક ઓફ ઇન્ડિયા (આરબીઆઇ)એ ભારતના જીડીપી અનુમાનને 7.2 ટકાથી ઘટાડીને 7 ટકા કરી દીધું હતું. આ સાથે અન્ય ઘણી વૈશ્વિક એજન્સીઓએ પણ ભારતના જીડીપીના અંદાજમાં ઘટાડો કર્યો છે.

શું છે ડાયરેક્ટ ટેક્સ કલેક્શન
ડાયરેક્ટ ટેક્ષ કલેક્શનમાં કોર્પોરેટ આવકવેરો અને પર્સનલ આવકવેરો સામેલ છે. આ બન્ને દ્વારા સરકારને તગડી કમાણી થઈ છે.