- ધોની અને કોહલીની સંપત્તિને લઈને રિપોર્ટ જાહેર
- કોહલીની ટોટલ સંપત્તિ 1050 કરોડ
- ધોની 1040 કરોડનો છે માલિક
ક્રિકેટમાં તો ધોની અને કોહલીને કોઈ પણ ન ચઢે પરંતુ કમાણીમાં પણ તેમની વચ્ચે મોટી સ્પર્ધા છે. પરંતુ આ બધામાં સંપત્તિ અને પૈસા ભેગા કરવામાં ધોની કરતાં કોહલીનો હાથ ઉપર રહ્યો છે અને તે સૌથી વધુ કમાણી કરતો ભારતીય ક્રિકેટર બની ગયો છે. ધોની અને કોહલીની આવકને લઈને એક ટોટલ રિપોર્ટ જાહેર થયો છે, તેઓ બન્ને ક્યાંથી કમાય છે અને કેટલી ફી લે છે તેને લઈને એક ગ્રાફિક્સ રિપોર્ટ જાહેર થયો છે જેની પરથી તેમની આવકનું આખું સરવૈયુ જાણવા મળી રહે છે.
વિરાટ કોહલીની હાલની નેટવર્થ 1050 કરોડ
ભારતીય ક્રિકેટ ટીમના સ્ટાર બેટ્સમેન અને પૂર્વ કેપ્ટન વિરાટ કોહલી કમાણીના મામલામાં રેકોર્ડ બનાવી રહ્યા છે. વિરાટ કોહલીએ કમાણીના મામલે નવો રેકોર્ડ કાયમ કર્યો છે. વિરાટ કોહલીની હાલની નેટવર્થ 1050 કરોડ રૂપિયા થઈ ગઈ છે. ક્રિકેટ ઉપરાંત વિરાટ કોહલી પોતાના રેસ્ટોરન્ટ બિઝનેસ અને બ્રાન્ડ એડોર્સમેન્ટથી ખૂબ કમાણી કરે છે. વિરાટ કોહલી BCCIના A પ્લસ કોન્ટ્રાક્ટમાં શામેલ છે. તેના દ્વારા તેને વાર્ષિક સાત કરોડ રૂપિયા મળે છે. વિરાટ કોહલીને તેમની IPL ટીમ RCBથી એક સીઝન માટે 15 કરોડ રૂપિયા મળે છે. વિરાટ કોહલી સોશિયલ મીડિયાની મદદથી પણ ખૂબ કમાણી કરે છે. ઈન્સ્ટાગ્રામ પર વિરાટ કોહલીની એક પોસ્ટની કિંમત 8.9 કરોડ રૂપિયા છે. ત્યાં જ એક ટ્વીટ માટે તે 2.5 કરોડ રૂપિયા લે છે.
ધોનીની સંપત્તિ 1040 કરોડ
કમાણી અને પ્રોપર્ટીને મામલે ધોનીનો બીજો નંબર આવે છે. ધોનીની કુલ સંપત્તિ 1040 કરોડની આસપાસ આંકવામાં આવી છે.
કોહલીની નેટવર્થ ધોની કરતાં થોડી વધારે
એક રિપોર્ટમાં દાવો કરવામાં આવ્યો છે કે, કોહલીની નેટવર્થ ધોની કરતાં થોડી વધારે છે. તેના અનુસાર, ભારતના આ પૂર્વ ખેલાડીની નેટવર્થ 1040 કરોડ રૂપિયા છે, જે કોહલી કરતા 10 કરોડ ઓછી છે, જેનો ખુલાસો 29 મેના રોજ એક રિપોર્ટ દ્વારા કરવામાં આવ્યો હતો. બીજી તરફ ધોનીની આઇપીએલ ફી 12 કરોડ છે જે તેને પોતાની ફ્રેન્ચાઇઝી સીએસકે પાસેથી મળે છે. કંપનીઓમાં તેમનું રોકાણ, સોશિયલ મીડિયા ફી, માલિકીની બ્રાન્ડ્સ અને રિયલ એસ્ટેટ રોકાણો તેમની નેટવર્થને 1040 કરોડથી વધુ લઈ જાય છે.
