નિર્ણય / બાગેશ્વર ધામના ધીરેન્દ્ર શાસ્ત્રીની કથામાં લોકોની તબિયત બગડતા અફરાતફરી, પટનામાં નહિ યોજાઈ દિવ્ય દરબાર, કારણ ચોંકાવનારૂ

• ધીરેન્દ્ર શાસ્ત્રીની કથામાં ગરમી અને ભીડને પગલે ભક્તોની તબિયત બગડી
• આવતીકાલે (15 મેં) ના રોજ યોજાનાર દિવ્ય દરબાર રદ કરાયો

હાલ ઉનાળાની સિઝન બરાબરની જામી જોવાથી તોબા પુકારતી ગરમી પડી રહી છે. આવી સ્થિતિ વચ્ચે બાગેશ્વર ધામના કથાકાર ધીરેન્દ્ર શાસ્ત્રીની નૌબતપુર, પટના ખાતે હનુમંત કથા ચાલી રહી છે. જેમાં માનવ સાગર ઉમટી પડતા લોકોના ભારે ધસારા અને કાળઝાળ ગરમીના કારણે અનેક લોકોની તબિયત બગડી હતી. જેને પગલે અફરાતફરીનો માહોલ સર્જાયો હતો. પરિણામેં સોમવારે યોજાનાર ધીરેન્દ્ર શાસ્ત્રીના દિવ્ય દરબારનો કાર્યક્રમ હાલ મોકૂફ રાખવામાં આવ્યો  છે. 

દિવ્ય દરબારનું આયોજન મોકૂફ

આ અંગે ધીરેન્દ્ર શાસ્ત્રીએ કહ્યું હતું કે કથા પુરા પાંચ દિવસ સુધી જ યોજાશે પરંતુ ભારે ભીડને પગકે કોઇ અનિચ્છનીય બનાવ ન બને તે માટે આ નિર્ણય કરી દિવ્ય દરબારનું આયોજન મોકૂફ રાખવામાં આવ્યું છે. જો તે ફરી બિહાર આવશે તો દિવ્ય દરબારનું આયોજન કરશે તે મામલે ખાતરી આપી હતી. નોંધનીય છે કે પહેલા દિવસની કથામાં કેન્દ્રીય મંત્રી ગિરિરાજ સિંહ, અશ્વિની ચૌબે તથા બિહાર બીજેપીના ઘણા મોટા નેતાઓ પણ પહોંચ્યા હતા. મહત્વનું છે કે મોટી વ્યવસ્થાના દાવા વચ્ચે કાર્યક્રમમા અવ્યવસ્થા સર્જાઈ હતી. આકરી ગરમી વચ્ચે પણ મોટી સંખ્યામાં લોકો કથામાં ઉમટી પડતા બીમાર પડ્યા હતા.

15 મેના રોજ યોજાનાર દિવ્ય અદાલતને મોકૂફ

કાળજાળ ગરમી અને ભીડ એકઠી થતા કથા માટે બનાવેલા મંડપમાં ઓક્સિજનનો અભાવે વર્તાવા લાગ્યો હતો. જેને પરિણામે લોકોની તબિયત લથડવા લાગી હતી. જે મામલે અફરાતફરી મચતા કથા સમય મર્યાદા પહેલા પૂર્ણ કરવાની નોબત આવી હતી. મંચ પરથી જાહેરાત કરતા પંડિત ધીરેન્દ્ર શાસ્ત્રીએ જણાવ્યું હતું કે ઓછા લોકોએ કથામાં ભાગ લેવો જોઈએ. વધુ ગરમી હોવાથી ટેલિવિઝન અને સોશિયલ મીડિયા દ્વારા કથા સાંભળો. એટલું જ નહીં, પંડિત ધીરેન્દ્ર શાસ્ત્રીએ એમ પણ કહ્યું કે 15 મેના રોજ યોજાનાર દિવ્ય અદાલતને મોકૂફ રાખવાની પણ જાહેરાત કરી હતી