- 29 જૂન ગુરુવારના રોજ દેવપોઢી અગિયારસ ઉજવવામાં આવે છે
- દેવપોઢી અગિયારના દિવસે શ્રી હરિ ચાર મહિના માટે ક્ષીરસાગરમાં યોગ નિદ્રામાં જતા રહે છે
- તુલસી ભગવાન વિષ્ણુની પ્રિય માનવામાં આવે છે
Devshayani Ekadashi 2023: આ વખતે દેવપોઢી અગિયારસ 29 જૂન ગુરુવારના રોજ ઉજવવામાં આવશે, આ દિવસે ભગવાન વિષ્ણુનું પૂજન કરવામાં આવે છે. માનવામાં આવે છે કે, આ દિવસ શ્રી હરિ ચાર મહિના માટે ક્ષીરસાગરમાં યોગ નિદ્રામાં જતા રહે છે. તેથી તેને ચતુર્માસ કહેવામાં આવે છે અને આ દેવપોઢી અગિયારસથી ચતુર્માસ શરુ થાય છે.
અગિયારનો દિવસ ખૂબ જ શુભ માનવામાં આવે છે, તેથી જ આ દિવસે તુલસી સાથે જોડાયેલા ઉપાય કરવુ ફળદાયી માનવામાં આવે છે કારણ કે તુલસી ભગવાન વિષ્ણુની પ્રિય માનવામાં આવે છે. આવો જાણીએ દેવપોઢી અગિયારના દિવસે માતા તુલસી સાથે જોડાયેલી કઇ ભૂલો ના કરવી જોઇએ.
1. તુલસીના છોડમાં માતા લક્ષ્મીનો વાસ હોય છે, માનવામા આવે છે કે આ દિવસે મા લક્ષ્મી નિર્જળા વ્રત રાખે છે. તેથી આ દિવસે તુલસીમાં જળ ના ચઢાવુ.
2. અગિયારસના દિવસે તુલસીના પાન ના તોડવા જોઇએ. જો તુલસીનો પ્રયોગ કરવો હોય સૂર્યોદય થતા પહેલા જ તોડી લો.
3. અગિયારસના દિવસે તુલસીની આસપાસ ગંદકી ના રાખો, તે સાથે જ તુલસીના છોડની આસપાસ બૂટ-ચંપલ પણ ના રાખો.
.png)
4. આ દિવસે ગંદા કે એંઠ્ઠા હાથથી તુલસીને સ્પર્શ કે ગ્રહણ ના કરો, નહીં તો ભગવાન વિષ્ણુ નારાજ થાય છે.
5. તુલસી માતાની પૂજા કરતી વખતે કાળા કપડા ના પહેરવા જોઇએ. આમ કરવાથી ઘરમાં નકારાત્મક ઉર્જાનો વાસ થાય છે.
DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
