- દેવશયની અગિયારસથી ભગવાન શ્રી હરી ચાર મહિના માટે કરે છે વિશ્રામ
- આ દિવસથી શુભ કાર્યો જેવા લગ્ન વગેરે કરવામાં આવતા નથી
- વિધિપૂર્વક પૂજા કરવાથી ભક્તોને પાપમાંથી મળે છે મુક્તિ
આ દિવસથી શુભ કાર્યો થતા નથી
જેમકે આના નામથી સમજમાં આવી રહ્યું હશે કે આ દિવસે ભગવાન વિષ્ણુ ચાર મહિના માટે યોગ નિંદ્રામાં જતા રહે છે અને કાર્તિક માસમાં આવનારી અગિયારસ દેવઉઠી અગિયારસના દિવસે જાગે છે. દેવશયની અગિયારસથી ભગવાન શ્રી હરી ક્ષીર સાગરમાં ચાર મહિના માટે વિશ્રામ કરે છે. આ દિવસથી બધા શુભ કાર્યો જેવા લગ્ન વગેરે કરવામાં આવતા નથી. આ અગિયારસનું વિશેષ મહત્વ છે. કહેવાય છે કે આ જે વિધિ પૂર્વક પૂજા કરવા અને વ્રત વગેરે કરવાથી ભક્તો દ્વારા જાણ્યે-અજાણ્યે કરવામાં આવેલા પાપમાંથી મુક્તિ મળે છે. આવો જાણીએ આ વખતે ક્યારે છે દેવશયની અગિયારસ, શુભ મૂહૂર્ત અને ભગવાનને સુવડાવવાનો મંત્ર.
દેવશયની અગિયારસ તિથિ 2022
દેવશયની અગિયારસ આ વખતે 10 જુલાઈ 2022, રવિવારે આવી રહી છે. અગિયારસ તિથિ પ્રારંભ 9 જુલાઈ સાંજે 4 વાગ્યે 39 મિનિટે થશે અને અગિયારસ તિથિનુ સમાપન 10 જુલાઈ 2 વાગ્યે 13 મિનિટે થશે.
દેવશયની અગિયારસ પૂજા વિધિ
દેવશયની અગિયારસના દિવસે સવારે જલ્દી ઉઠીને સ્નાન વગેરે પતાવીને સ્વચ્છ વસ્ત્ર ધારણ કરો. ઘરની સાફ-સફાઈ કરો અને આખા ઘરમાં ગંગાજળનો છંટકાવ કરો. આ સાથે ઉત્તર-પૂર્વ દિશામાં ભગવાન વિષ્ણુની મૂર્તિની સ્થાપના કરો. ત્યારબાદ શ્રી હરિની ષોડશોપચાર પૂજા કરો. તેમને પીળા વસ્ત્ર પહેરાવો, તિલક લગાવો, ફૂલ અર્પણ કરો. કેળા, તુલસી અને પંચામૃતનો ભોગ અર્પણ કરો. દેવશયની વ્રત કથાનુ શ્રવણ કરો અને પૂજા બાદ આરતી કરો.
દેવશયની અગિયારસ પર શ્રી હરિને આ રીતે સુવડાવો
આ દિવસે ભગવાન વિષ્ણુ ચાર મહિના માટે યોગ નિંદ્રામાં જતા રહે છે. એવામાં ભગવાનને સુવડાવવા માટે રાત્રે 'સુપ્તે ત્વયિ જગન્નાથ જનત્સુપ્તં ભવેવિદ્મ | વિબુદ્ધે ત્વયિ બુદ્ધં ચ જગત્સર્વ ચરાચમ' મંત્રનો જાપ કરો અને ભગવાનને વિધિપૂર્વક સુવડાવો.
