ચોમાસુ / કચ્છની આસપાસ સાયક્લોનિક સર્ક્યુલેશન, સ્કાયમેટે કરી વરસાદની આગાહી, આ જિલ્લાઓમાં બોલાવશે બઘડાટી

• રાજ્યમાં હજુ પણ વરસાદની સ્કાયમેટની આગાહી
• કચ્છની આસપાસ બનેલ સાયક્લોનિક સર્ક્યુલેશનનાં કારણે વરસાદની આગાહી
• આગામી દિવસોમાં દક્ષિણ અને પૂર્વ ગુજરાતમાં વરસાદની સંભાવના

રાજ્યમાં હજુ પણ ખાનગી હવામાન એજન્સી સ્કાટમેટ દ્વારા વરસાદની આગાહી કરવામાં આવી છે. જેમાં કચ્છની આસપાસ સાયક્લોનિક સક્યુલેશનનાં કારણે વરસાદની આગાહી કરવામાં આવી છે. આગામી દિવસોમાં દક્ષિણ અને પૂર્વ ગુજરાતમાં વરસાદની સંભાવનાં છે. ત્યારે સ્કાય મેટ દ્વારા જૂનાગઢ, રાજકોટ, બોટાદ, વેરાવળ, ગીર સોમનાથ, ભાવનગર, ભરૂચ, સુરત, વલસાડ, તાપી, નવસારી, નર્મદા, છોટાઉદેપુર તેમજ અમદાવાદમાં વરસાદની સંભાવનાં વ્યક્ત કરવામાં આવી છે. 

ગુજરાતમાંથી ચોમાસુ વિદાય થતા હજુ થોડો સમય લાગશેઃ સ્કાયમેટ
 આ બાબતે સ્કાયમેટ દ્વારા જણાવ્યું હતું કે, કચ્છ તેમજ તેની આજુબાજુનાં વિસ્તારોમાં સાયક્લોનિક સક્યુલેશન સર્જાયું છે. આ સાયક્લોનિક સક્યુલેશનનાં કારણે જૂનાગઢ, રાજકોટ,  ગીર સોમનાથ સહિતનાં વિસ્તારમાં વરસાદ પડી શકે છે. તે સિવાયનાં બનાસકાંઠા, પાલનપુર,  ઈડર, જામનગર, મોરબી સહિતનાં વિસ્તારોમાં વરસાદની સંભાવનાં ખૂબ ઓછી છે. ત્યારે ગુજરાતમાંથી ચોમાસુ વિદાય થતા હજુ થોડો સમય લાગી શકે છે. 

રાજ્યના 23 તાલુકામાં વરસાદ
આજે સવારે 6થી બપોરે 2 વાગ્યા સુધીમાં 23 તાલુકામાં વરસાદ નોંધાયો છે. જેમાં ચોર્યાસીમાં 3 ઈંચ, ખાંભામાં 2 ઈંચ વરસાદ ખાબક્યો છે. વંથલીમાં પોણો ઈંચ, ઉનામાં પોણો ઈંચ તેમજ સુરતમાં અડધો ઈંચ, વાગરામાં અડધો ઈંચ વરસાદ નોંધાયો છે. અંકલેશ્વરમાં અડધો ઈંચ, તાલાળામાં અડધો ઈંચ વરસાદ નોંધાયો છે.