કામની વાત / સાયબર ફ્રોડના કારણે બેંકમાંથી રૂપિયા ઉપડી ગયા? તો તુરંત આ નંબર કરો ડાયલ, પૈસા આવી શકે છે રિટર્ન

• સાયબર ક્રાઈમના કેસમાં સતત વધારો
• ઈન્ટરનેટના ઉપયોગ કરતા સમયે કેટલીક બાબતોનું ધ્યાન રાખવું
• આ નંબર પર નોંધાવો સાયબર ક્રાઈમની ફરિયાદ

ઈન્ટરનેટ આવ્યા પછી તમામ કામ સરળ થઈ ગયા છે. ઈન્ટરનેટથી એક એવા યુગનું નિર્માણ થયું છે, જેનાથી તમે અનેક વસ્તુઓ અને સર્વિસનો ઘરેબેઠા લાભ મેળવી શકો છો. આજના સમયમાં ગેમિંગ, એજ્યુકેશન, બિઝનેસ, ઈ-કોમર્સ સહિત તમામ ક્ષેત્રે ઈન્ટરનેટની તાતી જરૂરિયાત ઊભી થઈ છે. બીજી તરફ ઈન્ટરનેટ આવવાને કારણે સાયબર ક્રાઈમના કેસમાં સતત વધારો થઈ રહ્યો છે. છેલ્લા કેટલાક વર્ષોમાં આ કેસ ઝડપથી વધી રહ્યા છે, જેના કારણે લોકો જીવનભરની કમાણી ગુમાવી બેસે છે. આ કારણોસર ઈન્ટરનેટના ઉપયોગ કરતા સમયે કેટલીક બાબતોનું ધ્યાન રાખવું ખૂબ જ જરૂરી છે. 

• તમારી નાની અમથી બેજવાબદારીને કારણે તમને નુકસાન થઈ શકે છે. ભારતમાં ડિજિટલ ફ્રોડ થવા છતાં લોકોમાં જાગૃતતાનો અભાવ જોવા મળી રહ્યો છે અને શું કરવું તેનો ખ્યાલ રહેતો નથી. 
• અનેક લોકો ગભરાઈ જાય છે. અહીંયા અમે તમને એક ખાસ હેલ્પલાઈન નંબર વિશે જણાવી રહ્યા છીએ. સાયબર ફ્રોડનો શિકાર થયા પછી તમારે તાત્કાલિક હેલ્પલાઈન નંબર 1930 પર કોલ કરવો જોઈએ. 
• કોલ કર્યા પછી તમારે આ નંબર પર સાયબર ફ્રોડની જાણકારી આપવાની રહેશે. તમારી સાથે જે પણ સાયબર ક્રાઈમ થયો તેની વિગતવાર જાણકારી આપવાની રહેશે. 
• સાયબર ફ્રોડ થવાના 1 કલાકમાં તેની જાણકારી આપવાની રહેશે. 1 કલાકમાં સાયબર ક્રાઈમની જાણકારી આપવાથી, જે એકાઉન્ટમાં પૈસા જમા થયા છે, તે ફ્રીજ કરવામાં આવશે. આ પ્રકારે કરવાથી પૈસા પરત મળવાની સંભાવના વધી જાય છે.