આખરી ઓપ / સરકાર બનાવશે કરોડપતિ ! મોબાઈલ એપમાં GST બીલ અપલોડ કરવા પર મળશે આ ઈનામ, જાણો ડિટેલ્સ

• એપ પર GST બિલ અપલોડ કરવા પર ગ્રાહકોને મળશે ઇનામ
• મોદી સરકાર લાવી રહી છે નવી યોજના
• યોજનાની તૈયારીને આખરી ઓપ, ગમે ત્યારે જાહેરાત

દેશના નાગરિકોને ટૂંક સમયમાં મોબાઇલ એપ પર GST ઇન્વૉઇસ અપલોડ કરવા બદલ ઇનામ મળી શકશે. આગામી સમયમા સરકાર દ્વારા 'મેરા બિલ મેરા અધિકાર' યોજના લોન્ચ કરવામાં આવી શકે છે.વધુમાં આ યોજનાને આખરી ઓપ આપવામાં આવી રહ્યો છે અને ટૂંક સમયમાં આ અંગે સત્તાવાર જાહેરાત થઈ શકે છે. આ અંગે જાણકાર બે અધિકારીઓએ  'પીટીઆઈ-ભાષા' સાથે વાતચિતમાં કહ્યું કે જે લોકો રિટેલર અથવા જથ્થાબંધ વેપારી પાસેથી મળેલ બિલ ઈનવોઈસ એપ પર અપલોડ કરશે. તેમને 10 લાખ રૂપિયાથી માંડી 1 કરોડ રૂપિયા સુધીની માસિક આથવા ત્રિમાસિક રોકડ આપવામાં આવી શકે છે. 

ટેક્સની રકમ સહિતની વિગત હોવી ફરજિયાત 

મેરા બિલ મેંરા અધિકાર' એપ iOS અને Android એમ બન્ને વર્ઝનમાં ઉપલબ્ધ કરવામાં આવશે. આ બને પ્લેટફોર્મ પર તમેં બિલ અપલોડ કરી શકો છે. એપ પર અપલોડ કરવામાં આવેલ 'ઈનવોઈસ'માં વિક્રેતાનો GSTIN, ઈન્વોઈસ નંબર, ચૂકવેલ રકમ અને ટેક્સની રકમ સહિતની વિગત હોવી ફરજિયાત છે. 

બીલની કિંમત 200 હોવી જોઈએ

વધુમાં અધિકારીના જણાવાયા અનુસાર એક વ્યક્તિ એક મહિનામાં વધુમાં વધુ 25 બિલ 'અપલોડ' કરી શકે છે, જેની ઓછામાં ઓછી કિંમત રૂ. કિંમત રૂ.200 હોવી જોઈએ. આ યોજનો ઢાંચો લગભગ તૈયાર હોવાથી આ અંગે સબંધિત વિભાગ દ્વારા ગમે ત્યારે જાહેરાત કરવામાં આવી શકે છે.