આનંદો / અમદાવાદના રિવરફ્રન્ટ પર પહોંચી ગઈ ક્રૂઝ: ફ્લોટિંગ રેસ્ટોરન્ટ અને મ્યુઝિકની માણી શકાશે મજા, જાણો ક્યારે શરૂ થશે સુવિધા

• અમદાવાદીઓ માટે વધુ એક આનંદના સમાચાર 
• ઉનાળામાં ફ્લોટિંગ રેસ્ટોરન્ટની મજા માણશે અમદાવાદીઓ 
• આ ક્રુઝમાં મ્યુઝિકલ ફ્લોટિંગ રેસ્ટોરેન્ટની સુવિધા હશે
• એપ્રિલના પ્રથમ અઠવાડિયાથી રિવરફ્રન્ટમાં આ ક્રુઝ શરુ થશે

અમદાવાદીઓ માટે એક આનંદના સમાચાર સામે આવ્યા છે. વાત જાણે એમ છે કે, ટુંક જ સમયમાં અમદાવાદ સાબરમતી નદીમાં વધુ એક નજરાણું ઉમેરાશે. વાત જાણે એમ છે કે, સાબરમતી રિવરફ્રન્ટ ખાતે નદીમાં રિવરક્રૂઝ મુકાશે. જેને લઈ હાલમાં વાસણા બેરેજ ખાતે વિશાલ  ક્રૂઝનું માળખું તૈયાર થઇ રહ્યું છે. મહત્વનું છે કે, ક્રૂઝ તૈયાર થયા બાદ સાબરમતી નદીમાં ઉતારવામાં આવશે જેથી આ ઉનાળા દરમિયાન લોકોને ક્રૂઝની મજા માણી શકશે. 

અમદાવાદ સાબરમતી રિવરફ્રન્ટ ખાતે નદીમાં ટુંક જ સમયમાં રિવરક્રૂઝ મુકાશે. વિગતો મુજબ તંત્ર દ્વારા તેની તૈયારીના ભાગરૂપે વાસણા બેરેજ ખાતે વિશાલ  ક્રૂઝનું માળખું તૈયાર કરવામાં આવી રહ્યું છે. માહિતી મુજબ એપ્રિલના પ્રથમ અઠવાડિયાથી રિવરફ્રન્ટમાં આ ક્રુઝ શરુ થશે. જેથી ઉનાળા દરમિયાન  લોકો આ ક્રુઝ ઉપર રેસ્ટોરેન્ટ અને મ્યુઝિકની મજા માણી શકશે. 

ફ્લોટિંગ રેસ્ટોરેન્ટની સુવિધા
વિગતો મુજબ આ ક્રુઝમાં મ્યુઝિકલ ફ્લોટિંગ રેસ્ટોરેન્ટની સુવિધા હશે. આ ક્રુઝ સરદાર બ્રીજથી ગાંધીબ્રીજ સુધી ફ્લોટિંગ રેસ્ટોરેન્ટ તરીકે સેવા આપશે. 

નોંધનીય છે કે, વલસાડના ઉંમરગામથી આ ક્રુઝ રિવરફ્રન્ટ પહોંચ્યું હતું. જે બાદમાં ત્રણ મહિનામાં તેને એસેમ્બલ કરવાની કામગીરી પૂર્ણ કરવામાં આવશે. આ ક્રૂઝ ઉપર 125 -150 લોકો એક સાથે બેસી શકે છે. આ સાથે અલગ અલગ સેવાઓ જુદા જુદા ચાર્જ સાથે નક્કી કરવામાં આવશે.