- ચોથી ઇનિંગમાં બેટિંગ કરવી એ ટેસ્ટ ક્રિકેટમાં સૌથી મુશ્કેલ કામ છે
- ટેસ્ટ ફોર્મેટમાં ચોથી ઇનિંગમાં સદી ફટકારનારા બેટ્સમેન જૂજમાત્ર છે
- ટેસ્ટ ક્રિકેટમાં બેવડી સદી માત્ર છ બેટ્સમેને ફટકારી છે
વર્લ્ડ કપ પૂરો થયો અને હવે આઈપીએલની સિઝન આવી રહી છે. આ પહેલા ટીમ ઈન્ડિયા સાઉથ આફ્રિકા સામે ટેસ્ટ, વનડે અને T20 ફોર્મેન્ટમાં મેચ રમવાની છે. હવે જો ટેસ્ટ ક્રિકેટની વાત કરીએ તો ક્રિકેટ ચાહકોને ખબર હશે કે આ ફોર્મેટમાં સૌથી મુશ્કેલ કામ છે ચોથી ઇનિંગમાં બેટિંગ કરવી, આ કામ ટેસ્ટ ક્રિકેટમાં સૌથી મુશ્કેલ કામ કહેવાય તો પણ ખોટું નથી. સાથે જ આ જ કારણ છે કે ટેસ્ટ ફોર્મેટમાં ચોથી ઇનિંગમાં સદી ફટકારનારા બેટ્સમેન જૂજમાત્ર છે. એવામાં જો બેવડી સદી ફટકારનાર બેટ્સમેનની વાત કરીએ તો માત્ર છ લોકો છે જેમને આ કમાલ કરી બતાવ્યો છે.
જો કે ભારતીય ચાહકો ગર્વથી કહી શકે છે ટેસ્ટ ક્રીકેટની ચોથી ઇનિંગમાં સદી ફટકારનાર છ બેટ્સમેનમાંથી એક ભારતીય છે. ટીમ ઇન્ડિયાની શાન કહેવાતા સુનિલ ગાવસ્કરે વર્ષ 1979માં ઈંગ્લેન્ડ સામે તેની જ ધરતી પણ ચોથી ઇનિંગમાં બેવડી સદી બનાવી હતી. ગાવસ્કર એ સમયે આ ઉપલબ્ધિ હાંસલ કરનાર ત્રીજા બેટ્સમેન હતા.
ટેસ્ટ મેચની ચોથી ઇનિંગમાં ડબલ સેન્ચ્યુરી એટલે કે બેવડી સદી બનાવવાનો તાજો કિસ્સો વર્ષ 2021માં જોવા મળ્યો હતો. એ સમયે વેસ્ટ ઈન્ડિઝના કાઈલ મેયર્સે બાંગ્લાદેશ સામે ચટગાંવ ટેસ્ટમાં 201 રનની અણનમ ઇનિંગ રમી હતી. કાઈલ મેયર્સની આ શાનદાર ઇનિંગના કારણે વેસ્ટ ઈન્ડિઝે 3 વિકેટ બાકી રહેતા 395 રનનો લક્ષ્યાંક હાંસલ કરી લીધો હતો.
વર્ષ 2002માં નાથન એસ્ટલની 222 રનની ઈનિંગને પણ ભૂલી શકે એવી નથી, આ ઇનિંગ તેને ઈંગ્લેન્ડ સામે ચોથી ઈનિંગમાં રમી હતી. આ મેચમાં ઈંગ્લેન્ડે ન્યૂઝીલેન્ડને જીતવા માટે 550 રનનો ટાર્ગેટ આપ્યો હતો. જવાબમાં ન્યુઝીલેન્ડ તરફથી નાથન એસ્ટલે ઐતિહાસિક ઇનિંગ રમી હતી. તેણે ચોથી ઇનિંગમાં 168 બોલમાં 222 રન બનાવ્યા હતા અને તે આઉટ થનાર છેલ્લો બેટ્સમેન હતો. તેની ઇનિંગની મદદથી ન્યૂઝીલેન્ડે 93.3 ઓવરમાં 451 રન બનાવ્યા હતા.
વેસ્ટ ઈન્ડિઝના જોર્જ હેડલીએ ચોથી ઇનિંગમાં બેવડી સદી ફટકારનાર દુનિયાના પહેલા બેટ્સમેન હતા. એમને વર્ષ 1930માં ઈંગ્લેન્ડ સામે 223 રન બનાવ્યા હતા. સાથે જ ઈંગ્લેન્ડના જોન એડ્રિચ અને વેસ્ટ ઈન્ડિઝના ગોર્ડન ગ્રીનીઝે પણ ટેસ્ટ ક્રિકેટની ચોથી ઇનિંગમાં બેવડી સદી ફટકારી છે. જોન એડ્રિચે 1939માં દક્ષિણ આફ્રિકા સામે ડરબન ટેસ્ટની ચોથી ઇનિંગમાં 219 રન બનાવ્યા હતા. ગોર્ડન ગ્રીનિજે 1984માં ઇંગ્લેન્ડ સામે લોર્ડ્સ ટેસ્ટમાં 214 રનની અણનમ ઇનિંગ રમી હતી.
રસપ્રદ વાત એ છે કે ચોથી ઇનિંગ્સમાં બેવડી સદી ફટકારનાર છ બેટ્સમેનમાંથી ત્રણ વેસ્ટ ઈન્ડિઝની એક જ ટીમના છે. જ્યારે 6માંથી 4 વખત આ કારનામું એક જ ટીમ ઈંગ્લેન્ડ સામે થયું છે. આ છ બેટ્સમેનોમાં માત્ર બે જ એવા છે જેમણે ચોથી ઇનિંગમાં બેવડી સદી ફટકારી હતી અને અંત સુધી અણનમ રહ્યા હતા. આ બે બેટ્સમેન વેસ્ટ ઈન્ડિઝના ગોર્ડન ગ્રીનિજ અને કાઈલ મેયર્સ છે.
