વાહ વીરૂ / અદાણી બાદ મદદ માટે દિગ્ગજ ક્રિકેટર આવ્યા મેદાનમાં, ઓડિશા ટ્રેન દુર્ઘટના પીડિતોને આપશે મફત શિક્ષણ

• કોરોમંડલ ટ્રેન દુર્ઘટના પર વિરેન્દ્ર સેહવાગે કરી મોટી જાહેરાત
• ઓડિશા ટ્રેન દુર્ઘટના પીડિતોને મફત શિક્ષણ આપશે
• આ પહેલા ગૌતમ અદાણી પણ કરી ચૂક્યા છે જાહેરાત 
• ઓડિશા અકસ્માતમાં લગભગ 275 લોકોએ જીવ ગુમાવ્યા 

ટીમ ઈન્ડિયાના પૂર્વ ઓપનર વીરેન્દ્ર સેહવાગે શુક્રવારે દુ:ખદ ઓડિશા ટ્રેન દુર્ઘટનામાં પીડિત બાળકો માટે મદદનો હાથ લંબાવ્યો છે. ટ્રેન દુર્ઘટનામાં 275થી વધુ લોકોના મોત થયા હતા, જ્યારે 1,175 લોકો ઘાયલ થયા હતા. ત્રણેય ટ્રેનો શાલીમાર-ચેન્નઈ કોરોમંડલ એક્સપ્રેસ, બેંગલુરુ-હાવડા સુપર ફાસ્ટ અને એક માલસામાન ટ્રેન બાલાસોર જિલ્લામાં અથડાઈ હતી. તે ભારતીય ઈતિહાસની સૌથી મોટી ટ્રેન દુર્ઘટનાઓમાંની એક છે.

સેહવાગે શું લખ્યું?

વીરેન્દ્ર સેહવાગે કહ્યું છે કે સેહવાગ સ્કૂલમાં થયેલા અકસ્માતમાં જે બાળકોએ પોતાના માતા-પિતાને ગુમાવ્યા છે તેમને તેઓ મફતમાં શિક્ષણ આપશે. આ ઘટનાનો ફોટો પોસ્ટ કરતા સેહવાગે લખ્યું- આ ફોટો અમને લાંબા સમય સુધી હેરાન કરશે. આ દુઃખની ઘડીમાં આ દર્દનાક અકસ્માતમાં જીવ ગુમાવનારા લોકોના બાળકોના શિક્ષણની કાળજી લેવાનું હું ઓછામાં ઓછું કરી શકું છું. હું આવા બાળકોને સેહવાગ સ્કૂલની બોર્ડિંગ ફેસિલિટીમાં મફત શિક્ષણ આપી રહ્યો છું. તમામ પરિવારો માટે પ્રાર્થના અને બચાવ કામગીરીમાં મોખરે રહેલા તમામ બહાદુર સ્ત્રી-પુરુષો, તબીબી ટીમો અને સ્વૈચ્છિક રીતે રક્તદાન કરી રહેલા સ્વયંસેવકોને અભિવાદન. અમે આમાં સાથે છીએ.

This image will haunt us for a long time.

In this hour of grief, the least I can do is to take care of education of children of those who lost their life in this tragic accident. I offer such children free education at Sehwag International School’s boarding facility 🙏🏼 pic.twitter.com/b9DAuWEoTy

— Virender Sehwag (@virendersehwag) June 4, 2023

લોકોએ સેહવાગની પ્રશંસા કરી

આ જાહેરાત બાદથી લોકો સોશિયલ મીડિયા પર વીરેન્દ્ર સેહવાગની પ્રશંસા કરી રહ્યા છે. ભારત તરફથી છેલ્લે 2015માં રમનાર 44 વર્ષીય સેહવાગની હરિયાણામાં શાળા છે. આ પહેલા 2019માં પુલવામા હુમલા બાદ પણ સેહવાગે શહીદના બાળકો માટે આવી જ ઓફર કરી હતી.

આ પહેલા કોરોમંડલ ટ્રેન દુર્ઘટના પર ગૌતમ અદાણીએ મોટી જાહેરાત કરી છે. તેમણે ટ્વીટ કર્યું કે અકસ્માતમાં માતા-પિતા ગુમાવનારા બાળકોના શિક્ષણની જવાબદારી હવે અદાણી ગ્રુપ લેશે. જણાવી દઈએ કે, ઓડિશામાં થયેલા અકસ્માતમાં લગભગ 288 લોકોએ જીવ ગુમાવ્યા છે. તે જ સમયે, 900 થી વધુ લોકો ઘાયલ થયા છે. જેમાં બાળકો, વૃદ્ધો સહિત અનેક લોકો સામેલ છે. ટ્રેન દુર્ઘટનાએ સમગ્ર દેશને હચમચાવી દીધો છે. જો કે, જેમણે જીવ ગુમાવ્યો છે તેમને કોઈ પરત લાવી શકતું નથી. પરંતુ ગૌતમ અદાણીના આ નિવેદનથી પીડિત બાળકોને મોટી રાહત મળી છે. કોરોમંડલ ટ્રેન દુર્ઘટનાની તપાસ કરવામાં આવી રહી છે. વડા પ્રધાનથી લઈને રેલવે મંત્રાલય અને અન્ય રાજ્ય સરકારો આ મુશ્કેલીના સમયમાં મૃતકો અને પીડિતોના પરિવારજનો સાથે છે. વડા પ્રધાન મોદીએ પણ ઘટનાની સમીક્ષા કર્યા પછી કહ્યું કે દોષિતોને છોડવામાં આવશે નહીં.

उड़ीसा की रेल दुर्घटना से हम सभी बेहद व्यथित हैं।

हमने फैसला लिया है कि जिन मासूमों ने इस हादसे में अपने अभिभावकों को खोया है उनकी स्कूली शिक्षा की जिम्मेदारी अडाणी समूह उठाएगा।

पीड़ितों एवं उनके परिजनों को संबल और बच्चों को बेहतर कल मिले यह हम सभी की संयुक्त जिम्मेदारी है।

— Gautam Adani (@gautam_adani) June 4, 2023

ગૌતમ અદાણીએ જાહેરાત કરી હતી

અબજોપતિ ઉદ્યોગપતિ ગૌતમ અદાણીએ રવિવારે ટ્વીટ કર્યું કે તેઓ ઓડિશામાં ટ્રેન દુર્ઘટનાથી ખૂબ જ દુઃખી છે. લોકોની તકલીફને અમુક અંશે ઘટાડવા માટે અદાણી ગૃપે નિર્ણય લીધો છે કે તે અકસ્માતમાં તેમના માતાપિતા ગુમાવનારા બાળકોના શાળાકીય શિક્ષણની જવાબદારી લેશે. તેમણે વધુમાં જણાવ્યું હતું કે પીડિતો અને તેમના પરિવારજનોને હિંમત આપવાની અને બાળકોનું ભવિષ્ય સારું બનાવવાની જવાબદારી આપણા સૌની છે.

10 લાખના વળતરની જાહેરાત 

કોરોમંડલ ટ્રેન દુર્ઘટનામાં, વડા પ્રધાન મોદીએ મૃતકોના નજીકના સંબંધીઓ માટે 2 લાખ રૂપિયા અને ઘાયલો માટે 50,000 રૂપિયાના વળતરની જાહેરાત મૃતકોના સંબંધીઓ અને ઘાયલો માટે પીએમ રાહત ફંડમાંથી કરી છે. બીજી તરફ રેલ્વે મંત્રાલયે પણ મૃતકોના પરિજનોને 10 લાખ રૂપિયા આપવાની જાહેરાત કરી છે. આ સિવાય તમિલનાડુના સીએમ એમકે સ્ટાલિન અને પશ્ચિમ બંગાળના સીએમ મમતા બેનર્જીએ પણ તેમના રાજ્યોના પીડિત પરિવારોને વળતરની જાહેરાત કરી છે.