IND vs AUS / રાજકોટમાં ક્રિકેટર રોહિત શર્માનો આઇફોન ચોરાયો, પ્રેક્ટિસ દરમિયાન આઇફોન થયો ગુમ, પોલીસ ફરિયાદ નહીં

• રાજકોટમાં ક્રિકેટર રોહિત શર્માનો આઇફોન ચોરાયો
• ગઈકાલે પ્રેક્ટિસ દરમિયાન આઇફોન ગુમ થયો હતો
• ગઇકાલે પ્રેસ કોન્ફરન્સમાં આવ્યા બાદ રોહિત શર્માનો આઇફોન ગુમ થયો

રાજકોટના આંગણે ભારત અને ઓસ્ટ્રેલિયા વચ્ચે વન -ડે મેચ યોજાઇ રહી છે. જેને લઈને રાજકોટના ખંઢેરી સ્ટેડિયમ ખાતે સૌરાષ્ટ્રભરમાંથી ક્રિકેટ રસિકો ઉમટી પડ્યા છે. ક્રિકેટના આ માહોલ વચ્ચે રાજકોટમાં ક્રિકેટર રોહિત શર્માનો આઇફોન ગુમ થયો હોવાની ઘટની ચર્ચા હાલ જોરશોરથી ચાલી રહી છે. જાણવા મળી રહ્યું છે કે ગઈકાલે પ્રેક્ટિસ દરમિયાન આઇફોન ગુમ થયો હતો. ગઇકાલે એક પ્રેસ કોન્ફરન્સ યોજાઈ હતી. આ બાદ રોહિત શર્માનો આઇફોન ગુમ થયો હોવાનું સામે આવ્યું છે જોકે હજુ સુધી આ મામલે કોઇ સત્તાવાર પોલીસ ફરિયાદ નોંધાઇ નથી.

હજુ સુધી કોઇ સત્તાવાર પોલીસ ફરિયાદ નથી નોંધાઇ

સૂત્રોનું માનીએ તો નેટ પ્રેક્ટિસ બાદ ઇન્ડિયાના કેપ્ટન રોહિત શર્માનો મોબાઇલ ખોવાયો હોવાની ચર્ચા ચાલી રહી હતી. જોકે આ મામલે ફરિયાદ ન નોંધાઈ હોવાનું પડધરી પોલીસ સ્ટેશનના પીએસઆઇએ જણાવ્યું છે. બીજી બાજુ મોબાઇલ ગુમ થયાની વાત વહેતી થતા જ સૌરાષ્ટ્ર ક્રિકેટ એસોસિએશનના હોદ્દેદારો કર્મચારીઓ અને ગ્રામ્ય પોલીસ મથકના સ્ટાફ દ્વારા મોડી રાત સુધી તપાસ પણ ચલાવવામાં આવી હતી. જો કે હજુ સુધી મોબાઈલ ન મળ્યો હોવાનું સામે આવ્યું છે.