- મુંબઈ ઈન્ડિયન્સે પ્લેઓફ માટે મજબૂત દાવેદારી નોંધાવી
- 35 બોલ પર 83 રન ફટકાર્યા
- મુંબઈ ઈન્ડિયન્સ ત્રીજા સ્થાન પર
મંગળવારે RCB સામેની મેચ દરમિયાન સૂર્યકુમાર યાદવે (Suryakumar Yadav) શાનદાર બેટીંગ કરી છે અને 35 બોલ પર 83 રન ફટકારીને મુંબઈ ઈન્ડિયન્સ જીત અપાવી છે. સાત ચોગ્ગા અને 6 છગ્ગાની મદદથી સૂર્યકુમાર યાદવે ધમાકેદાર ઈનિંગ રમી છે અને મુંબઈ ઈન્ડિયન્સે પ્લેઓફ માટે મજબૂત દાવેદારી નોંધાવી છે. રોહિત શર્માની ટીમે 11 મેચમાં 6 જીત મેળવી છે અને 12 પોઈન્ટ મેળવ્યા છે. પોઈન્ટ ટેબલ અનુસાર ગુજરાત ટાઈટન્સ અને ચેન્નઈ સુપર કિંગ્સ પછી મુંબઈ ઈન્ડિયન્સ ત્રીજા સ્થાન પર છે.
સૂર્યકુમાર યાદવની ધમાકેદાર બેટીંગથી મુંબઈ ઈન્ડિયન્સે સરળતાથી જીત મેળવી છે. RCBએ મુંબઈ ઈન્ડિયન્સને 200 રનનો ટાર્ગેટ આપ્યો હતો અને મુંબઈ ઈન્ડિયન્સે 21 બોલ બાકી હતા ત્યારે 4 વિકેટ ગુમાવીને આ ટાર્ગેટ પૂરો કરી લીધો છે. આ જીત પછી મુંબઈ ઈન્ડિયન્સે ટ્વિટ કર્યું છે, જેમાં સૂર્યકુમાર યાદવના હાથમાં બેટ જોવા મળી રહ્યું છે. ફોટો શેર કરીને કેપ્શનમાં લખ્યું છે કે, ‘એકચ વાદા’, SURYA દાદા. આ ટ્વિટ પર મુંબઈ ઈન્ડિયન્સ અને સૂર્યકુમાર યાદવના ફેન્સે જોરદાર કમેન્ટ કરી છે.
એક યૂજરે કમેન્ટ કરી છે કે, ‘સૂર્યકુમાર યાદવની ક્ષમતા પર સંદેહ ના કરો’. અન્ય વ્યક્તિએ કમેન્ટ કરી છે કે, ‘સૂર્યા ભાઉના કારણે સારી ઊંઘ આવી હતી.’ અન્ય એક ફેને કમેન્ટ કરી છે કે, ‘SKYની કોઈ સીમા નથી’. સચિન તેંડુલકરને તેના કૌશલ્યને કારણે ‘ગોડ ઓફ ક્રિકટ’ નામ આપવામાં આવ્યું હતું. અન્ય એક ફેને સૂર્યકુમાર યાદવને ‘ગોડ ઓફ T20 ક્રિકેટ’ નામ આપ્યું છે. ‘સૂર્યા મહાન છે, જો તે બેટીંગ કરે તો કોઈપણ ટાર્ગેટ પૂરો કરી શકે છે’.
IPL 2023માં ચાર અડધી સદી ફટકારી
IPL 2023માં સૂર્યકુમાર યાદવે સારી શરૂઆત નહોતી કરી અને સારો સ્કોર પણ બનાવી શક્યા નહોતા. સીઝન શરૂ થઈ ત્યાર પછી શાનદાર બેટીંગ કરી છે અને સામેની ટીમના બોલર પર કહેર વરસાવ્યો છે. IPL 2023માં 11 મેચમાં 34.18ની સરેરાશથી 376 રન ફટકાર્યા છે, જેમાં ચાર અડધી સદી ફટકારી છે.
