ખુલાસો / પૈસા પડ્યાં કે પોપડા? વાડજ મેટ્રો સ્ટેશનનો છતનો હિસ્સો તૂટ્યો, સદનસીબે જાનહાની ટળી

• અમદાવાદના વાડજ મેટ્રો સ્ટેશનમાં પડ્યા પોપડા
• એક વર્ષ અગાઉ બનેલા મેટ્રો સ્ટેશનમાં પડ્યા પોપડા 
• મેટ્રો સ્ટેશનમાં પોપડા પડતા સુરક્ષા પર ઉઠ્યા સવાલ

અમદાવાદનાં વાડજ મેટ્રો સ્ટેશનમાં આજે બપોરના સુમારે અચાનક જ છતમાંથી પોપડા પડતા લોકોમાં ભય વ્યાપી જવા પામ્યો હતો. ત્યારે એક વર્ષ અગાઉ જ બનેલા મેટ્રો સ્ટેશનમાં પોપડા પડતા કોન્ટ્રાક્ટરની કામગીરી સામે અનેક પ્રશ્નો ઉભા થઈ રહ્યા છે. મેટ્રો સ્ટેશનની એન્ટ્રી પાસે જ છતમાંથી પોપડા મુસાફરોમાં ભય છવાઈ ગયો હતો.

છત પર સમારકામ કરવાનું હોવાથી તે ભાગમાં ડેમેજ કરવામાં આવ્યું હતુંઃ PRO
વાડજ મેટ્રો સ્ટેશનમાં એન્ટ્રી પાસે જ ઉપરની છતનો અમુક ભાગ માંથી પોપડા પાડ્યા હોવાની માહિતી સામે આવી હતી. ઉપરની છત પરથી પોપડા પાડ્યા હતા જે મામલે મેટ્રો પ્રોજેક્ટના PRO દ્વારા ખુલાસો કરવામાં આવ્યો છે. ઘટનાને લઈ મેટ્રોના PRO દ્વારા કહેવામાં આવ્યુ હતુ કે મેટ્રોના તમામ સ્ટેશનો પર ઈન્સ્પેક્શન કરવામાં આવતુ હોય છે ત્યારે વાડજ સ્ટેશન ખાતે જે POP પડ્યુ હતુ તેનું તાત્કાલિકના ધોરણે રિપોરિંગ કામ કરી દેવામાં આવ્યુ હતુ.