ચિંતાજનક / અમદાવાદમાં નવા ત્રણ વૉર્ડને રેડ ઝોનમાં મૂકાયા, આજથી દુકાનદારો-ફેરિયાઓને માસ્ક પહેરવું ફરજિયાત

• અમદાવાદમા નવા 3 વોર્ડને કોરોના રેડઝોન જાહેર કરાયા
• માસ્ક અને સેનેટાઈઝર સહિતના નિયમો મામેલે મનપા કડક
• દર્દીઓ સાજા થવાની સંખ્યા વધી

ગુજરાતમાં કોરોના વાયરસની વિકટ પરિસ્થિતિમાં અમદાવાદ મ્યુનિસિપલ કોર્પોરેશનના કમિશનર વિજય નેહરાએ અમદાવાદમાં કોરોનાની કામગીરી અંગે માહિતી આપતા જણાવ્યું હતુ કે, દાણીલીમડા, બહેરામપુરા, જમાલપુર, ખાડિયા, દરિયાપુર અને શાહપુર આ 6 વોર્ડના વિસ્તાર રેડઝોન જાહેર કરાયા હતા. ત્યારે હવે નવા 3 વોર્ડને રેડઝોનમાં ઉમેરવામાં આવ્યા છે. 

નવા 3  કોરોના રેડ ઝોન

• સરસપૂર
• અસારવા
• ગોમતી પુર

આંકડાકિય માહિતી

249 નવા કેસ, 12ના મોત, 81 જેટલા લોકો સાજા થયા. એક્ટિવ કેસ 2470, 46 વેન્ટિલેટર ઉપર. કુલ ટેસ્ટની સંખ્યા 28034 થાયા છે. 

માસ્ક, સેનેટાઈઝર અને સોશ્યિલ ડિસ્ટન્સિંગ મામલે મનપા કડક 

છેલ્લા 2 કલાકમાં 104 ટીમ આ નિર્ણયનો અમલ કરાવી રહી છે. 1026 જેટલા લોકોને 3 લાખથી વધુ દંડ વસૂલવામાં આવ્યો છે. 4 એકમો સિલ કરવામાં આવ્યા છે. 

વધુમાં વિજય નેહરાએ જણાવ્યું હતુ કે, એક બીજા માણસોથી અંતર રાખવુ, વારંવાર સાબુથી હાથ ધોવાનું રાખીએ. કોરોનાની મહામારીને નિયંત્રણમાં લાવવામાં સફળતા મળશે. ઉલ્લેખનીય છે કે, અમદાવાદનો રેડ ઝોનમાં સમાવેશ છે. જેથી આ બધી તકેદારી રાખવી ખૂબ જ જરૂરી છે.

ફેરિયાઓને મફત માસ્ક અને સેનેટાઈઝર વહેંચાયા

અત્યાર સુધીમાં તમામ ફેરીઆઓને 20 હજાર 270 માસ્કનું વિતરણ કરવામાં આવ્યા છે. 4354 સેનેટાઈઝરની બોટલનું વિતરણ કરવામાં આવ્યું છે. શહેરીજનોએ ખૂબ જ ધ્યાન રાખવાની જરૂર છે. 104 જેટલી ટીમ દ્વારા આ નિયમનો અમલ કરવામાં આવી રહ્યો છે. જંગી પ્રમાણમાં સેનેટાઈઝરનું વિતરણ કરવામાં આવે છે.