સ્ટડી / કોરોના વાયરસના હુમલાથી અસરગ્રસ્ત થયેલા ફેફસાને લઈને સામે આવ્યા રાહતના સમાચાર, જલ્દી થશે દર્દીઓ સાજા

Bhushita

Last Updated: 08:04 AM, 20 July 2021

FOLLOW ON

શેર કરો

કોરોના વાયરસના 42 એવા દર્દીઓ પર કરાયેલા અભ્યાસમાં કહેવાયું છે કે એન્ટીવાયરલ રેમડેસિવિર ઈન્જેક્શન અને સ્ટીરોઈડ આપવાની સાથે હોસ્પિટલમાં એડમિટ કરાયા હોય તેમના ફેફસા 3 મહિનામાં સાજા થઈ શકે છે.

કોરોના વાયરસને લઈને રાહતના સમાચાર
જે દર્દીના ફેફસા ખરાબ થયા છે તે 3 મહિનામાં થઈ શકે છે સારા
સ્ટડીમાં સામે આવ્યું રાહતનું પરિણામ

કોરોના વાયરસ સામાન્ય રીતે દર્દીના ફેફસા પર હુમલો કરે છે. કોરોનાની બીજી લહેરમાં જોવા મળ્યું કે 90 ટકા દર્દીના ફેફસા ખરાબ થઈ ચૂક્યા છે અને એવામાં ડોક્ટરને ભય રહે છે કે આ ફેફસામાં લંગ ફાઈબ્રોસિસ નામની બીમારી થઈ શકે છે. આ બીમારીમાં ફેફસામાં ટિશ્યૂ ખરાબ થાય છે અને ફેફસા કામ કરવાનું બંધ કરી દે છે. એક સ્ટડીમાં જાણવા મળ્યું છે કે કોરોનાના એ દર્દી જેમના ફેફસા ખરાબ થયા હતા તે 3 મહિનામાં સાજા થઈ રહ્યા છે. મળતી માહિતી અનુસાર સ્ટડીમાં ખ્યાલ આવી રહ્યો છે કે મોટાભાગના દર્દીના ફેફસા સારા થઈ રહ્યા છે. આ સ્ટડીની શરૂઆતના પરિણામ લંગ ઈન્ડિયા જર્નલમાં છપાયા છે.

સારા થઈ રહ્યા છે ખરાબ ફેફસા
સ્ટડીમાં મળી રહેલા પરિણામમાં જાણવા મળ્યું કે કોરોનાના એ દર્દીઓ પર રિસર્ચ કરાયું હતું જેમના ફેફસા ખરાબ થયા હતા. તેમને 3 મહિના બાદ ફેફસાનો આકાર અને કામ કરવાની રીતમાં સુધારો જોવા મળ્યો અને તેઓએ રાહત અનુભવી હતી. દરેક દર્દીના લંગ ફંક્શન ટેસ્ટ અને સીટી સ્કેન પણ કરાયા હતા.

આ દર્દીઓ પર રાખવામાં આવી નજર
આ સ્ટડી કોરોનાના એ 42 દર્દીઓ પર કરાયો છે જેમને એન્ટી વાયરલ રેમડિસિવિર ઈન્જેક્શન અને સ્ટીરોઈડ અપાયા હતા. જે દર્દીને હોસ્પિટલમાં એડમિટ કરાયા અને સાથે તેમને ખતરનાક નિમોનિયા પણ હતો. અત્યાર સુધી 300 લોકો પર નજર રાખવામાં આવી છે અને કેટલાકને કોરોના થયા બાદ એક વર્ષ સુધી ફોલો કરાયા છે. કેટલાક દર્દીઓને કોરોનાથી સાજા થયા બાદ લંગ ફાઈબ્રોસિસની દવા લેવાનું પણ કહેવાયું છે.

સંકળાયેલા મુદ્દાઓ

Coronavirus lungs study કોરોના વાયરસ ખરાબ દર્દીઓ ફેફસા રાહતના સમાચાર સાજા coronavirus hit lungs heal