BIG NEWS / કોરોના વેક્સિન બનાવનાર ડૉ. સાયરસ પૂનાવાલાને આવ્યો કાર્ડિયાક અરેસ્ટ, એન્જીયોપ્લાસ્ટી બાદ ICUમાં દાખલ

• સીરમ ઈન્સ્ટિટ્યૂટના ચેરમેન ડૉ. સાયરસ પૂનાવાલાને કાર્ડિયાક અરેસ્ટ
• હળવા કાર્ડિયાક અરેસ્ટ બાદ હોસ્પિટલમાં એન્જિયોપ્લાસ્ટી કરવામાં આવી 
• એન્જિયોપ્લાસ્ટી બાદ હાલ ઝડપથી સાજા થઈ રહ્યા છે ડૉ. સાયરસ પૂનાવાલા

Cyrus Poonawalla News : પૂણે સ્થિત રસી ઉત્પાદક સીરમ ઈન્સ્ટિટ્યૂટ ઓફ ઈન્ડિયા (SII) ના ચેરમેન અને મેનેજિંગ ડિરેક્ટર ડૉ. સાયરસ પૂનાવાલાને હાર્ટ એટેક આવ્યો હતો.  અહીંની એક હોસ્પિટલમાં તેમની એન્જિયોપ્લાસ્ટી કરવામાં આવી હતી. ડૉક્ટરોએ શુક્રવારે જણાવ્યું હતું કે 82 વર્ષીય પૂનાવાલાને ગુરુવારે કાર્ડિયાક અરેસ્ટ આવ્યો હતો. રૂબી હોલ ક્લિનિકના કાર્ડિયોલોજિસ્ટ ડૉ. પુરવેઝ ગ્રાન્ટે જણાવ્યું હતું કે, સાયરસ પૂનાવાલાને હળવો કાર્ડિયાક અરેસ્ટ આવ્યો હતો અને તે ઝડપથી સાજા થઈ રહ્યા છે. 

હોસ્પિટલના કન્સલ્ટન્ટ અલી દારૂવાલાએ એક નિવેદનમાં જણાવ્યું હતું કે, ડૉ સાયરસ પૂનાવાલાને 16 નવેમ્બરના રોજ હળવો કાર્ડિયાક અરેસ્ટ આવ્યો હતો અને શુક્રવારે સવારે રૂબી હોલ ક્લિનિકમાં દાખલ કરવામાં આવ્યા હતા. તેમણે કહ્યું કે, ડૉ.પૂનાવાલાની એન્જિયોપ્લાસ્ટી ડૉ.પૂર્વેઝ ગ્રાન્ટ, ડૉ.મેકલે અને ડૉ.અભિજીત ખર્ડેકરની દેખરેખ હેઠળ કરવામાં આવી હતી. તે ઝડપથી સ્વસ્થ થઈ રહ્યા છે અને તબિયત સારી છે. ડૉ. પૂનાવાલા સાયરસ પૂનાવાલા ગ્રુપના ચેરમેન પણ છે, જેમાં રસી બનાવતી કંપની SII પણ સામેલ છે.