આક્રોશ / VIDEO: બોચું ઝાલીને જેલમાં નાખી દઇશ...: પાર્કિંગ બાબતે PSIની ધમકી બાદ ક્ષત્રિય ઠાકોરો ગુસ્સે ભરાયા, બદલી ના થાય તો વડનગર બંધનું એલાન

Team VTV 12:48 PM, 30 Sep 23 | Updated: 12:51 PM, 30 Sep 23
Follow us
Controversy over viral video of PSI MB Goswami on Vadnagar Seva Camp

વડનગર સેવા કેમ્પ પર PSI એમ.બી ગોસ્વામીના વાયરલ વીડિયોનો વિવાદ, બારપરા ઠાકોર સમાજ અને નેજાધારી કેમ્પના આયોજકોએ 2 ઓક્ટોબરે વડનગર બંધનું આપ્યું એલાન.

  • સેવા કેમ્પ પર PSIના વાયરલ વીડિયોનો વિવાદ 
  • ટ્રાફિક મુદ્દે આયોજકોને જેલમાં પૂરવાના વીડિયોથી મામલો ગરમાયો 
  • PSI એમ.બી ગોસ્વામીનો વીડિયો થયો હતો વાયરલ 

વડનગરમાં તોરણીયા વડ ખાતે પીએસઆઈ એમ.બી ગોસ્વામી અને આયોજકો સાથે રકઝક બાદ મામલો ગરમાયો છે. બારપરા ઠાકોર સમાજ અને નેજાધારી કેમ્પના આયોજકો PSI એમ.બી ગોસ્વામીની બદલીની માંગ કરી રહ્યા છે. બારપરા ઠાકોર સમાજ અને નેજાધારી કેમ્પના આયોજકોએ 2 ઓક્ટોબરે વડનગર બંધનું એલાન કર્યું છે. 

તોરણીયા વડ ખાતે યોજાયો હતો કેમ્પ
અંબાજી ભાદરવી પૂનમના મેળામાં ચાલીને જતાં પદયાત્રીઓ માટે વડનગરના તોરણીયા વડ ખાતે સેવા કેમ્પ યોજવામાં આવ્યો હતો. જે દરમિયાન મંગળવારે સાંજે નેજાધારી સેવા કેમ્પમાં કલાકારો રમઝટ બોલાવી રહ્યા હતા. આ દરમિયાન લોકોની સંખ્યા વધી જતાં અહીં ટ્રાફિકની કાર્યવાહી કરી રહેલા PSI એમ.બી ગોસ્વામી લાલઘુમ થઈ ગયા હતા. 

'...બોચું જાલીને જેલમાં પૂરી દઈશ'
તેઓએ ચાલું કાર્યક્રમમાં કહ્યું હતું કે 'રોડ ઉપર ગાડા ન મૂકતા, નહીં તો પાંચ મિનિટમાં બધુ બંધ કરાવી દઈશ. રોડ ઉપર કોઈ મરી જશે તો કોઈપણ આયોજક હશે બોચું જાલીને જેલમાં પૂરી દઈશ.' વડનગર PSI એમ.બી ગોસ્વામીનો બોલાચાલીનો વીડિયો પણ વાયરલ થયો હતો. 

PSIની બદલીની માંગ સાથે આપ્યું હતું આવેદન  
PSIના અસભ્ય વર્તનથી આયોજકો અને અગ્રણીઓ નારાજ થઈ ગયા હતા. બુધવારે નેજાધારી કેમ્પના આયોજકો અને અગ્રણીઓએ રેલી કાઢીને પીએસઆઈ સામે કાર્યવાહીની માંગ સાથે મામલતદારને આવેદન આપ્યું હતું.  PSI એમ.બી ગોસ્વામીની બદલી ન થતા બારપરા ઠાકોર સમાજ અને નેજાધારી કેમ્પના આયોજકો દ્વારા 2 ઓક્ટોબરે વડનગર બંધનું એલાન આપવામાં આવ્યું છે. 

Controversy PSI MB Goswami Vadnagar Seva Camp PSI એમ.બી ગોસ્વામી વીડિયો થયો હતો વાયરલ  વડનગર PSI viral video વાયરલ વીડિયો

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ