ગાંધીનગર / વિધાનસભામાં કોંગ્રેસ MLA બોલ્યા, મહાભારત જેવુ લાગે છે કારણ કે સત્તામાં બેઠેલા બાવળિયા-રાઘવજી કોંગ્રેસી જ છે

• વિધાનસભામાં અંદાજપત્ર પર સામાન્ય ચર્ચા 
• વિધાનસભામાં ડૉ.સી.જે. ચાવડાનું નિવેદન
• વિધાનસભામાં મહાભારત જેવું લાગે છે-સી.જે ચાવડા

 ગુજરાત વિધાનસભાના 11 માં દિવસે સવારે 10 વાગ્યે બે મહત્વની બેઠક મળી હતી. જેમાં પ્રથમ બેઠક વિધાનસભામાં સરકારે રજૂ કરેલ ગુજરાત વિનિયોગ વિધેયક બહુમતીનાં જોરે વિભાનસભા ગૃહમાં પસાર થયું હતું.  બપોર બાદ પ્રશ્નોત્તરી કાળ શરૂ થયો હતો. આ પ્રશ્નોત્તરી કાળમાં લધુ, સુક્ષ્મ અને મધ્યમ ઉદ્યોગોનાં મુદ્દાઓ પર ચર્ચા કરાઈ હતી.

આજે ગૃહમાં તમામ લોકો અમારા જ છે, મારે કોની સામે લડવું. 
વિધાનસભામાં પ્રશ્નોત્તરી કાળ દરમ્યાન કોંગ્રેસના ધારાસભ્ય સી.જે.ચાવડાએ ભાજપ પર કટાક્ષ કરતા કહ્યું હતું કે વિધાનસભામાં મહાભારત જેવું લાગે છે. વિધાનસભામાં મહાભારતની જેમ કોની સામે લડવાનું. જ્યારે શાસક પક્ષમાં શાસક પક્ષમાં પણ રાઘવજી પટેલ, કુંવરજી બાવળીયા, સીકે રાઉલજી, અલ્પેશ ઠાકોર, હાર્દિક સહીત અનેક કોંગ્રેસી નેતા છે. ત્યારે આ તો ધર્મની લડાઈ છે. એટલે લડવી તો પડે. આજે ગૃહમાં તમામ લોકો અમારા જ છે. મારે કોની સામે લડવું. 
માત્ર ડેરી કંઈ રીતે હડપવી એજ આવડ્યું -સી.જે.ચાવડા
વધુમાં સી.જે.ચાવડાએ જણાવ્યું હતું કે સરકાર વેંચી વેંચીને બજેટમાં ખર્ચ કરવાની છે. તો અમાા માટે શું બાકી રાખે. કોંગ્રેસની સરકારમાં 500 કરોડના બજેટમાં કામો થયા છે. નદીઓ પર ડેમ બન્યા અને ખેડૂતનો ખેતર સુધી પાણી પહોંચાડતા હતા. 27 વર્ષના શાસનમાં એક નદીમાં એક ડેમ ન બનાવી શક્યા. જો તેમ બનાવ્યો હોય તો કોંગ્રેસમાંથી રાજીનામું આપી દઉ. નવા જીલ્લા બનાવ્યા પણ નવી ડેરી તમે ન બનાવી શક્યા. માત્ર ડેરી કંઈ રીતે હડપવી એજ આવડ્યું.