વિરોધ / હિમાચલમાં ફસાયો પેચ, પ્રતિભાસિંહને CM તરીકે સુખુ મંજૂર નહીં, કોંગ્રેસ ઓફિસની બહાર હોબાળો

• હિમાચલમાં કોંગ્રેસ સામે વધુ એક રાજનૈતિક પડકાર
• CM પદ માટે પ્રતિભાસિંહનું નામ દૂર કરતાં સમર્થકો ભડક્યાં
• શિમલા ઓફિસની બહાર કર્યાં પ્રદર્શન
• નારાઓ લગાડી દર્શાવ્યો વિરોધ

હિમાચલ પ્રદેશમાં કોંગ્રેસની જીત બાદ વધુ એક રાજનૈતિક પડકાર સામે આવતો દેખાઇ રહ્યો છે. કોંગ્રેસે હજુ સુધી ઔપચારિક ધોરણે મુખ્યમંત્રી પદ માટે કોઇ પણ નામ જાહેર કર્યું નથી અને કાર્યકરોનું પ્રદર્શન શરૂ થઇ ગયું છે. પૂર્વ સીએમ વીરભદ્ર સિંહની પત્ની પ્રતિભાસિંહનું નામ મુખ્યમંત્રી રેસની બહાર થતાં અને સુખવિંદર સિંહ સૂક્ખુનું નામ ફાઇનલ થતાં રાજ પરિવારનાં સમર્થકો શિમલા કોંગ્રેસની ઓફીસ બહાર પ્રદર્શન કરી રહ્યાં છે. તેમનું કહેવું છે કે પ્રતિભાસિંહને જ સીએમ બનાવવું જોઇએ અને તે આ બાબતે સમાધાન કરવા માટે તૈયાર નથી.

#WATCH | Supporters of Himachal Pradesh Congress president Pratibha Virbhadra Singh raise slogans in Shimla pic.twitter.com/zfeh5vODwp

— ANI (@ANI) December 10, 2022

'હમારા સીએમ કૈસા હો, રાની સાહિબા જૈસા હો'
હિમાચલમાં કોંગ્રેસની સફળતાનું શ્રેય વીરભદ્રસિંહને અને તેમના દ્વારા કરવામાં આવેલા કામોને આપવામાં આવે છે. તેવામાં તેમની પત્ની પ્રતિભાસિંહનાં સમર્થકોનું કહેવું છે કે સુખવિંદરસિંહ સુક્ખૂ પેરાશૂટથી લઇ આવીને મુખ્યમંત્રી બનાવાઇ રહ્યાં છે જે તેમને સ્વીકાર્ય નથી. ઓફીસની બહાર 'હમારા સીએમ કૈસા હો, રાની સાહિબા જૈસા હો' નાં નારાઓ લગાવવામાં આવી રહ્યાં છે.

શાંતિ જાળવવા આદેશ
માહિતી અનુસાર કોંગ્રેસની ઓફીસની અંદરથી સમર્થકોને સંદેશો આપવામાં આવ્યો હતો અને કહેવાયું હતું કે શાંતિ જાળવી રાખો. આ હંગામાને ટાળવા માટે થઇ શકે છે કે પ્રતિભાસિંહ પોતે જ પોતાના સમર્થકોને અપીલ કરે. પાર્ટીની તરફથી ભૂપેન્દ્રસિંહ હુડ્ડા, ભૂપેશ બઘેલ અને રાજીવ શુક્લા પાર્ટીનાં ધારાસભ્યોથી મળી ચૂક્યાં છે.