- રાજસ્થાનના જયપુરમાં કંપનીના પોસ્ટ હોલ્ડરને ધમકી
- 82 હજાર રૂપિયાથી 1.23 લાખ રૂપિયાની માંગણી કરી
- 15 લાખ હિંદુ છોકરીઓની માહિતી ઈસ્લામિક દેશોમાં મોકલી દેવાની ધમકી
ડિજિટલ યુગમા સાયબર ક્રાઇમના ગુન્હાઓમાં ચિંતાજનક ઉછાળો આવી રહ્યો છે. જેમાં રાજસ્થાનના જયપુરમાં એક અંડર ગારમેન્ટ મેન્યુફેક્ચરિંગ કંપનીના પોસ્ટ હોલ્ડરને ધમકી મારી ખંડણી ઉઘરાવવામાં આવતા મામલો પોલીસ મથકે પહોંચ્યો હતો. એક શખ્સે મેલ મોકલ્યો હતો. જેમાં કંપની પાસેથી 1000-1500 ડોલર એટલે કે 82 હજાર રૂપિયાથી 1.23 લાખ રૂપિયાની માંગણી કરવામા આવી હતી. એટલું જ નહીં જો રૂપિયા મોકલવામા નહિ આવે તો કંપનીની સાઈટ હેક કરીને 15 લાખ હિંદુ છોકરીઓની માહિતી ઈસ્લામિક દેશોમાં મોકલી દેવાની દાટી મારી હતી. બાદમાં રાજસ્થાન પોલીસને જાણ જરતા SOGએ આરોપી સંજય સોનીને દબોચી લીધો છે.
15 લાખ યુવતીઓનો ડેટા ઇસ્લામિક દેશમાં મોકલવા....
અંડર ગારમેન્ટ્સ કંપનીના પોસ્ટ હોલ્ડરે પોલીસમાં ફરિયાદ નોંધાવી જેની કંપની સાથે 92 લાખ મહિલાઓ જોડાયેલી છે. આ દરમિયાન હેકરે 24 એપ્રિલે કંપનીને મેઈલ કર્યો હતો. જેમાં લખ્યું હતું કે તેણે તેમની કંપનીની 15 મહિલાઓનો ડેટા હેક કરીને વેચી મારવામાં આવશે. ત્યારબાદ આરોપીએ 16 મેં ના રોજ ટ્વીટ કરી 15 લાખ યુવતીઓનો ડેટા ઇસ્લામિક દેશમાં મોકલવામાં આવી રહ્યો છે. તેવું જણાવ્યું હતું. બાદમાં 25 મે ના રોજ કોલ કરીને રૂપિયાની માંગણી કરી હતી.
આરોપીનું નામ સંજય સોની છે
બીજી બાજુ આરોપીએ તેના ટ્વિટર પરથી ટ્વીટ કરીને હિંદુ યુવતીઓને સતર્ક રહેવાની ચેતવણી આપી હતી. આ સમગ્ર માહિતીને આધારે પોલીસે આરોપીને પકડી પાડ્યો છે. જે આરોપીનું નામ સંજય સોની છે જે ઉદયપુરનો રહેવાસી હોવાનું જાણવા મળી રહ્યું છે. આ ગંભીર બાબતને લઈને પોલીસે આરોપીની ધરપકડ કરી છે. આ મામલે વધુ તપાસ ચાલી રહી છે. સૌથી ચોંકાવનારી વાત એ છે કે આરોપી સંજય સોનીએ પોતાના સોશિયલ મીડિયા એકાઉન્ટમાં પોતાને રાષ્ટ્રવાદી ગણાવ્યો છે.
