જૂનાગઢ / હર હર મહાદેવના નાદથી ગૂંજી ઉઠી ભવનાથ તળેટી: ધજારોહણ સાથ શરૂ થયો મેળો, શ્રદ્ધાળુઓનો ભયંકર ધસારો

• ભવનાથ તળેટીમાં યોજાતા શિવરાત્રી મેળાનો પ્રારંભ 
• સાધુ-સંતો, પદાધિકારીઓની હાજરીમાં મેળો ખુલ્લો મુકાયો 
• મહાશિવરાત્રીના મેળાને લઈ શરૂ કરાઈ ટ્રેન 

વિશ્વ પ્રસિદ્ધ ભવનાથ મહાદેવ મંદિરના સાનિધ્યમાં સદીઓથી યોજાતા મહાશિવરાત્રીના મેળાનો આજે ધ્વજારોહણ સાથે પ્રારંભ થયો છે. આજે સવારે જૂના અખાંડા અને ભવનાથ મહાદેવ મંદિર ઉપર ધ્વજારોહણ કરવામાં આવ્યું હતું આ સમયે ભવનાથ મહાદેવમંદિરના મહંત હરીગીરી મહારાજ મહામંડેલેશ્વર મહેન્દ્ર ગીરી, ઇન્દ્રભારતીબાપુ, શેરનાથબાપુ સહિતના સંતો ઉપસ્થિત રહ્યા હતા. પ્રથમ  ધ્વજારોહણ ભવનાથ મહાદેવ મંદિર ઉપર કરવામાં આવ્યું હતું ત્યારબાદ જૂનાગઢ અખાડા ઉપર ધર્મધ્વજ ફરકાવવામાં આવી હતી

આ વખતે જૂનાગઢમાં છે 4 દિવસનો શિવરાત્રી મેળો
છેલ્લા બે વર્ષથી કોરોનાને કરણે મેળો લિમિટેડ લોકો અને સાધુ સંતો માટે યોજાયો હતો પણ આ વખતે મેળો આમ પબ્લિક માટે છૂટ છે.  20 લાખ લોકો મેળામાં ઉમટી પડશે એવી ધારણા થઈ રહી છે. મેળાનું મુખ્ય આકર્ષણ નાગા સાધુ હોય છે મેળોમાં આ વખતે 5 દિવસને બદલે 4 દિવસ યોજાશે. શિવરાત્રીને દિવસે રાત્રિના નાગ સાધુની સહી રવાડી નિકળશે અને મધ્યરાત્રિના 12 વાગે શાહી સ્નાન કરી મહા આરતી બાદ મેળો પૂર્ણ થશે.

મેળાને ધ્યાનમાં રાખી મહત્વનો નિર્ણય લેવાયો
જૂનાગઢમાં મહાશિવરાત્રીના મેળાને ધ્યાનમાં રાખી મહત્વનો નિર્ણય લેવાયો છે. મેળાને લઈ રાજકોટ-જૂનાગઢ વચ્ચે સ્પેશિયલ ટ્રેન કરાઈ શરૂ કરવામાં આવી છે. આજથી 21 ફેબ્રુઆરી સુધી સ્પેશિયલ ટ્રેન દોડશે.  અત્રે ઉલ્લેખનીય છે કે, 16 અને 20 તારીખ સિવાય તમામ દિવસોમાં મુસાફરોને આ ટ્રેનનો લાભ મળશે. રાજકોટથી સવારે 10.40 કલાકે ટ્રેન ઉપડશે જે બપોરે 12.45 કલાકે જૂનાગઢ પહોંચાડશે. જ્યારે જૂનાગઢથી બપોરે 3.30 કલાકે ટ્રેન ઉપડશે જે સાંજે 5.55 કલાકે રાજકોટ પહોંચશે