- ગેરકાયદે વાહન પાર્કિંગને લઈને આકરા પાણીએ યોગી
- સર્કિટ હાઉસ ખાતે અધિકારીઓ સાથે બેઠક
- વાહન પર જાતી સૂચક બોર્ડ લગાવનાર વાહન ચાલકો સામે પણ કડક કાર્યવાહી કરો
ઉત્તર પ્રદેશના મુખ્યમંત્રી યોગી આદિત્યનાથ ગેરકાયદે વાહન પાર્કિંગને લઈને આકરા પાણીએ થયા છે. તેમણે ગુરુવારે વારાણસીમાં વિકાસ કાર્ય અને કાયદો વ્યવસ્થાની સમીક્ષા મામલે એક બેઠક યોજી હતી. સર્કિટ હાઉસ ખાતે આ બેઠક યોજાઇ હતી. જેમાં અધિકારીઓને કડક સૂચના આપી અને ગેરકાયદે વાહન પાર્કિંગ અને ટ્રાંફિક નિયમ ભંગ મામલે પગલાં લેવા જણાવ્યું હતું. આ ઉપરાંત તેમણે વાહન પર જાતી સૂચક બોર્ડ લગાવનાર વાહન ચાલકો સામે પણ કડક કાર્યવાહી કરવા અંગે તાકીદ કરી છે. બીજી બાજુ હોમગાર્ડ અને પીસીઆર જવાનોને પણ તાલીમ આપી ટ્રાફિક સરળ કરવામાં સહકાર લેવા જણાવાયું છે.
ગેરકાયદેસર વાહનો ક્યાંય પણ ચાલવા જોઈએ નહીં!
અધિકારીઓને કડક સૂચના આપતા જણાવ્યું હતું કે ગેરકાયદેસર વાહનો ક્યાંય પણ ચાલવા જોઈએ નહીં! અને જાતિ સૂચક બોર્ડ લગાવનારને પણ કાયદાના પાઠ ભણાવો. આ ઉપરાંત શહેરોમાં ઇન્ટીગ્રેટેડ ટ્રાફિક મોનિટરિંગ સિસ્ટમ હેઠળ વધુ સિગ્નલો લગાવવાનું પણ તેઓએ જણાવ્યું હતું.વધુમાં અધિકારીઓને કડક સૂચના આપતા મુખ્યમંત્રીએ કહ્યું હતું કે ચેઇન સ્નેચિંગ સહિતની ઘટનાઓને પણ ગંભીરતાથી લેવી જોઈએ. કારણ કે નાની ઘટનાઓ મોટી બનતી જાય છે પરિણામે શહેરની શાંતિ જણાય છે. ત્યારે શહેરના તમામ સીસીટીવી કાર્યરત હોવા જોઈએ અને ગેરકાયદે ખનન તથા વસૂલાત પર સખત નજર રાખી તે અટકે તે દિશામાં કાર્ય કરો.
ડિસેમ્બર સુધીમાં કામ પૂર્ણ કરી દેવાની તાકીદ
સર્કિટ હાઉસ ખાતે અધિકારીઓ સાથે વાત કરતા મુખ્યમંત્રીએ કહ્યું હતું કે હાલમાં ચાલી રહેલા વિકાસકામો અને બાંધકામ પ્રોજેક્ટને વહેલી તકે પૂર્ણ સંબંધિત વિભાગ અને અધિકારીઓને ડિસેમ્બર સુધીમાં કામ પૂર્ણ કરી દેવાની ખાતરી કરવી જોઈએ.તેમજ પ્રજાની ફરિયાદને પ્રાથમિકતાના આધારે ઉકેલ લાવવા પણ તમામ અધિકારીઓને નિર્દેશ આપ્યા હતા.
