બેઠક / CM ભૂપેન્દ્ર પટેલ એક્શનમાં, અધિકારીઓ સાથે બેઠક કરીને ભારે વરસાદની સ્થિતિ જાણી, આપ્યાં જરુરી નિર્દેશો

• જૂનાગઢની પરિસ્થિતિને લઈને મુખ્યમંત્રીએ બોલાવી બેઠક
• મુખ્યમંત્રીએ સ્ટેટ ઈમરજન્સી સેન્ટર ખાતે કરી બેઠક
• વિડીયો કોન્ફરન્સનાં માધ્યમથી કલેક્ટરો સાથે વાતચીત કરી સ્થિતિની માહિતી મેળવી

જૂનાગઢમાં વરસાદી કહેરથી ચારેકોર તબાહી મચાવી છે. જૂનાગઢ સહિત સૌરાષ્ટ્રમાં પડેલા વરસાદ અંગે મુખ્યમંત્રી દ્વારા સમીક્ષા બેઠક યોજવામાં આવી હતી. મુખ્યમંત્રી ભૂપેન્દ્ર પટેલે જૂનાગઢની સ્થિતિને લઈ માહિતી મેળવી હતી. મુખ્યમંત્રી દ્વારા સ્ટેટ ઈમરજન્સી સેન્ટર ખાતે બેઠક કરી હતી. જેમાં મુખ્યમંત્રી દ્વારા વરસાદ અંગે અધિકારીઓ સાથે સમીક્ષા કરી હતી. તેમજ વિડીયો કોન્ફરન્સનાં માધ્યમથી કલેક્ટર પણ બેઠકમાં જોડાયા હતા. આ બેઠકમાં ભાવનગર, સોમનાથ તેમજ જૂનાગઢ કલેક્ટર પણ જોડાયા હતા.

મુખ્યમંત્રી શ્રી ભૂપેન્દ્ર પટેલે જૂનાગઢમાં ભારે વરસાદના કારણે સર્જાયેલી સ્થિતિની સમીક્ષા ગાંધીનગર ખાતેના સ્ટેટ ઇમરજન્સી ઓપરેશન સેન્ટર ખાતેથી કરી હતી.

મુખ્યમંત્રીશ્રીએ જૂનાગઢ જિલ્લા કલેકટર સાથે વિડિયો કોન્ફરન્સ કરીને પરિસ્થિતિનો તાગ મેળવ્યો હતો તેમજ લોકોના સ્થળાંતર, ફૂડ પેકેટ્સ… pic.twitter.com/trYEfw6Pxh

— CMO Gujarat (@CMOGuj) July 22, 2023

તેમજ આ બેઠકમાં હવામાન વિભાગનાં ડાયરેક્ટર મનોરમા મોહંતી પણ બેઠકમાં જોડાયા હતા. તેમજ મુખ્ય સચિવ રાજકુમાર સહિતનાં ઉચ્ચ અધિકારીઓ બેઠકમાં હાજર રહ્યા હતા. તેમજ મહેસુલ વિભાગનાં મુખ્ય સચિવ એમ કે દાસ અને રાહત કમિશ્નર આલોક કુમાર પાંડે પણ ઉપસ્થિત રહ્યા હતા.