રશિયા-યુક્રેન વિવાદ / ભારત સરકારની મોટી જાહેરાત, યુક્રેન માટે બે ફ્લાઈટ આજે રાતે ઉડશે, તમામ ખર્ચો સરકાર ભોગવશે

• રશિયા અને યુક્રેન વચ્ચે ચાલી રહ્યો છે વિવાદ
• યુક્રેનમાં ફસાયેલા છે અસંખ્ય ભારતીયો
• સ્વદેશ પરત લાવવા માટે ફ્લાઈટ મોકલશે ભારત

 

રશિયાના હુમલાના કારણે કેટલાય ભારતીયો યુક્રેનમાં ફસાઈ ગયા છે, તેમાં મોટી સંખ્યામાં ભારતીય વિદ્યાર્થીઓ શામેલ છે, જે અભ્યાસ માટે દેશ છોડી વિદેશમાં ગયા છે. સરકાર સામે સૌથી મોટો પડકાર છે, તેમને સુરક્ષિત ભારત પાછા લાવવા. જેના માટે તમામ પ્રયાસો ચાલું છે. સૂત્રોના જણાવ્યા અનુસાર યુક્રેનમનાં ફસાયેલા પોતાના નાગરિકોને બહાર લાવવા માટે ભારતમાંથી ફ્લાઈટ ઉડશે. જેનો ખર્ચ સરકાર ભોગવશે. અહીં ઉલ્લેખનીય છે કે, રશિયા તરફથી હુમલાની જાહેરાત તથા મુખ્ય શહેરો પર હુમલા બાદ યુક્રેને પોતાના એરસ્પેસ બંધ કરી દીધા છે. તેના કારણે યુક્રેનની રાજધાની કીવ માટે રવાના થયેલી એર ઈંડિયાની ફ્લાઈટ કાલે પાછી આવી હતી. બાદમાં સરકારે પોતાના નાગરિકોને કાઢવા માટે યુક્રેનથી અડીને આવેલી હંગરી અને પોલેન્ડથી યુક્રેનની સરહદે મોકલવાનો નિર્ણય કર્યો છે. આ અધિકારી જમીન દ્વારા મુસાફરી કરી રહ્યા છે, કારણ કે, યુક્રેનના એર સ્પેસ બંધ છે. 

Two flights to Bucharest in Romania today and one flight to Budapest in Hungary tomorrow are being planned to be operated as GoI chartered flights: Government sources#UkraineRussiaCrisis

— ANI (@ANI) February 25, 2022

 

 

એક અનુમાન અનુસાર જોઈએ તો, રશિયા-યુક્રેન યુદ્ધમાં લગભગ 16 હજાર ભારતીય યુક્રેનમાં ફસાયા છે. કેમ કે, યુક્રેનમાં તમામ હવાઈ મથકો બંધ કરી દેવામાં આ્યા છે, જે બાદ સરકાર માટે ત્યાંથી પોતાની નાગરિકોને બહાર કાઢવામાં મુશ્કેલી આવી રહી છે. યુક્રેનમાં ફસાયેલા પોતાના નાગરિકોને બહાર કાઢવા માટે હંગરી અને પોલેન્ડની સરહદ દ્વારા સરકારી દળોને મોકલ્યા છે. 

Embassy of India in Ukraine issues advisory to all Indian nationals/students in Ukraine - Govt of India is working to establish evacuation routes from Romania and Hungary pic.twitter.com/MUWwh8wTLG

— ANI (@ANI) February 25, 2022

ભારતે સુરક્ષિત માર્ગ પસંદ કર્યો છે. જેના દ્વારા યુક્રેનમાંથી ભારતીય નાગરિકોને બહાર કાઢવાનો પ્લાન છે. ભારતના વિદેશ સચિવ હર્ષવર્ધન શ્રૃંગલાએ કહ્યું કે, સુરક્ષિત માર્ગની ઓળખાણ કરી લીધી છે. રોડ માર્ગથી જો આપ કીવ જાવ છો, તો આપને નવા કલાકમાં પોલેન્ડ અને લગભગ 12 કલાકમાં રોમાનિયા પહોંચી જશો, રસ્તાનો નકશો તૈયાર કરી દીધો છે. વિદેશ મંત્રાલયે યુક્રેનમાં ભારતીય મદદ અને માહિતી માટે એક 24*7 કંટ્રોલ રૂમ પણ બનાવ્યો છે.