પ્રતિક્રિયા / જ્યાં સુધી સમાનતા ન આવે ત્યાં સુધી અનામત રહેવું જ જોઈએ: સંઘ પ્રમુખ મોહન ભાગવતનું મોટું નિવેદન

• રાષ્ટ્રીય સ્વયંસેવક સંઘ (RSS)ના વડા મોહન ભાગવતનું નિવેદન
• જ્યાં સુધી સમાજમાં ભેદભાવ છે ત્યાં સુધી અનામત ચાલુ રહેવી જોઈએ
• આરએસએસ ચીફ મોહન ભાગવતે નાગપુરમાં આપ્યું નિવેદન

અનામતને લઈને મોહન ભાગવતે આજે બુધવારે મોટું નિવેદન આપ્યું હતું. રાષ્ટ્રીય સ્વયંસેવક સંઘના વડા મોહન ભાગવતે કહ્યું હતું કે જ્યાં સુધી સમાજમાં ભેદભાવ છે ત્યાં સુધી અનામતનો અમલ રાખવો જોઈએ. આરએસએસ ચીફ મોહન ભાગવતે નાગપુર ખાતે આ પ્રકારનું નિવેદન આપ્યું હતું. તેઓએ કહ્યું કે સામાજિક વ્યવસ્થામાં આપણે આપણા બંધુઓને પાછળ છોડી દીધા છે. આપણે તેમની કાળજી લીધી ન હતી. આવું 2000 વર્ષ સુધી ચાલતું રહ્યું. જ્યાં સુધી કાંઈક વિશેષ અધિકાર તો હોવા જ જોઈએ. અનામત તેમાંથી એક છે. જેથી અનામત ચાલુ રાખવી જોઈએ.

અનામતને સંપૂર્ણ સમર્થન આપીએ છીએ

પોતાના સંબોધનમાં ભાગવતે કહ્યું કે જ્યાં સુધી આવો ભેદભાવ ચાલુ રહેશે. ત્યાં સુધી અમે RSS બંધારણમાં આપવામાં આવેલી અનામતને સંપૂર્ણ સમર્થન આપીએ છીએ. તેમણે એમ પણ કહ્યું કે ભેદભાવ દેખાતો ભલે ન હોય પણ અંદર ખાને તે સમાજને કોરી ખાય છે. આ માત્ર નાણાકીય અથવા રાજકીય સમાનતા માટે જ નહીં પણ  સન્માન આપવા માટે પણ જરૂરી છે. 

ઓબીસી સહિતના અન્ય પછાત વર્ગને પણ અનામત મળી રહી છે

સમાજના કેટલાક વર્ગોએ 2000 વર્ષથી સમસ્યાઓનો સામનો કર્યો છે, તો પછી જેણે ભેદભાવનો નથી ભોગવ્યો તેવા લોકો બીજા 200 વર્ષ સુધી કેટલીક સમસ્યાઓનો સામનો કેમ ન કરી શકીએ? બંધારણ મુજબ, અનુસૂચિત જાતિ (SC) અને અનુસૂચિત જનજાતિ (ST) ને જાતિના આધારે અનામત મળે છે. મંડલ આયોગની ભલામણોને પગલે ઓબીસી સહિતના અન્ય પછાત વર્ગને પણ અનામત મળી રહી છે.