એકમય દેશ / ગુલાલની છોળો ઉડી, આતશબાજી સાથે ભારત માતાનો જયઘોષ, ચહેરા પર છલકાતી આ ખુશી સબૂત છે અંતરીક્ષ વિજયની

 

• ચંદ્રયાન-3ની સફળતા બાદ ઠેર ઠેર ઉજવણી
• ચંદ્રયાન 3ની સફળતાને લઈ લોકોમાં ખુશી
• ઈસરોના લીધે દરેક ભારતીયની છાતી ગજગજ ફૂલી

ચંદ્રયાન 3ની માહિતી: ભારત દેશએ અંતરીક્ષમાં પોતાની સિદ્ધિનો ડંકો વગાડ્યો છે. ચંદ્રયાન-3ને સફળતા પૂર્વક ચંદ્રની ધરતી પર લેન્ડિંગ કરી લીધું છે. 23 ઓગસ્ટ 2023નો દિવસ ભારત માટે ખાસ યાદગાર બની ગયો છે. લેન્ડર વિક્રમ આજે લેન્ડિંગ સાથે પોતાનું કામ શરૂ કર્યું છે. દેશના વૈજ્ઞાનિકો સહિત નાગરિકોમાં ભારે ઉત્સાહ જોવા મળી રહ્યો છે. ચંદ્રયાનની સફળતા બાદ ઠેર ઠેર ઉજવણીનો માહોલ છવાયો છે. લોકોએ ગુલાલ ઉડાવી ઉજવણી કરી છે તેમજ ખોખરા યુથ ફેડરેશનએ ફટાકડા ફોડી આતશબાજી કરી છે 

ભાવનગરમાં ઠેર ઠેર ઉજવણી
ભાવનગરમાં ઠેર ઠેર ચંદ્રયાન-3ની સફળતના લઈ ઉજવણી કરાઈ રહી છે. શહેરના નવાપરા ખાતે આવેલ SP ઓફિસ ખાતે પોલીસ બેન્ડ સાથે લોકોએ ચંદ્રયાન 3ની સફળતા પૂર્વક લેન્ડિંગને વધાવ્યું છે.

લોકોમાં ખુશીનો માહોલ
બનાસકાંઠાના ડીસામાં ચંદ્રયાન 3ની સફળતાને લઈ લોકોમાં ખુશીનો માહોલ છવાયો છે. ભાજપ કાર્યકરોએ આતશબાજી સાથે ઉજવણી કરી છે. તિરંગા સાથે ભારત માતાકી જયના નારા સાથે એકબીજાનું મો મીઠું કરાવ્યું હતું.

શ્રી રાજકીય સંસ્કૃત પાઠશાળા ખાતે ઉજવણી
આણંદના પેટલાદ ખાતે આવેલ શ્રી રાજકીય સંસ્કૃત પાઠશાળા ખાતે ચંદ્રયાનની શફળતાની ઉજવણી કરાઈ છે. શ્રી રાજકીય સંસ્કૃત પાઠશાળા ખાતે ચંદ્ર સ્તોત્ર સાથે શ્રી રૂદ્રાભિષેક કરવામાં આવ્યો હતો. ભાથીજી મંદિરથી તિરંગાયાત્રા યોજવામાં આવી હતી. આતશબાજી કરી ચંદ્રયાનના સફળ લેન્ડિંગની આનંદસભર ઉડવણી કરાઈ હતી.