કરો ઉપાસના / ચૈત્રી નવરાત્રી 2022: ઓછા સમયમાં પણ આવી રીતે થઇ શકશે સપ્તશતીના પાઠ, થશે સંપૂર્ણ પાઠ જેટલો ફાયદો

• 2 એપ્રિલથી ચૈત્રી નવરાત્રિનો શુભારંભ
• દેવી દુર્ગાની કરવામાં આવે છે પૂજા-અર્ચના
• નવરાત્રિ દરમ્યાન માઈભક્તો દુર્ગા સપ્તશતીનો કરે છે પાઠ

દુર્ગા સપ્તશતીમાં 13 અધ્યાય

ઘણા ભક્તો નવરાત્રિ દરમ્યાન દુર્ગા સપ્તશતીનો પાઠ કરે છે. ખરેખર નવરાત્રિમાં તેનો પાઠ કરવો વિશેષ ફળદાયી માનવામાં આવ્યો છે. દુર્ગા સપ્તશતીમાં 13 અધ્યાય છે. જેને ત્રણ ચરિત્રોમાં વહેંચવામાં આવ્યો છે. લગભગ દરેક અધ્યાયમાં દેવી દુર્ગાની સ્તુતિ કરવામાં આવી છે. દુર્ગા સપ્તશતીના પ્રથમ ચરિત્રમાં મધુ-કૈટભ વધનુ વર્ણ કરવામાં આવ્યું છે. મધ્યમ ચરિત્રમાં મહિષાસુરના સંહારનુ વર્ણન છે. તો ઉત્તર ચરિત્રમાં શુમ્ભ-નિશુમ્ભ વધ અને દેવી માંથી મળતા વરદાનનુ વર્ણન છે. 

કેવીરીતે કરશો દુર્ગા સપ્તશતીનો પાઠ?

ઓછા સમયમાં દુર્ગા સપ્તશતીના સંપૂર્ણ પાઠનો લાભ મેળવવા માટે પહેલા કવચ, કીલક અને અર્ગલા સ્ત્રોનો પાઠ કરવો જોઈએ. ત્યારબાદ કુંજિકા સ્તોત્રનો પાઠ કરવો જોઈએ. માન્યતા છે કે આ રીતે પાઠ કરવાથી દુર્ગા સપ્તશતીના સંપૂર્ણ પાઠનુ ફળ મળે છે.