ચાંદનીનો 'ચંદરવો' / CCTV: અમદાવાદના મહિલા કોર્પોરેટરના પતિને પાવરનો પાર નહીં, હપ્તો ના આપતા ફેક્ટરીમાં ઘુસીને કરી મારામારી

• નારોલની મહિલા નગર સેવીકાનો લુખ્ખો પતિ 
• ધાક-ધમકીથી પૈસા પડાવતો હોવાની ઘટના 
• નારોલની 'ચાંદની'નું આ 'ગ્રહણ' ક્યા-ક્યા પહોચ્યું ?  

અમદાવાદમાં જ નહિ કદાચ ગુજરાતનાં નગર સેવકો માટે શરમજનક કહી શકાય તેવી  ઘટના અમદાવાદમાં બની છે. બની શકે કે કેટલાક શહેરોમાં જ્યાં મહિલા નગરસેવક હોય તેમના પતિ આ પ્રકારની ગતિવિધિઓ કરતા હોય અને મહીલાનાગર્સેવકને જાણ પણ ના હોય. પણ અમદાવાદની આ ઘટનામાં મહિલા નગરસેવિકા નું મૌન ઘણું જ સૂચક છે. 

અમદાવાદના નારોલના મહિલા કોર્પોરેટરના પતિની દાદાગીરી સામે આવી છે. મહિલા કોર્પોરેટર ચાંદનીબહેન પટેલના પતિ તેજસ પટેલની દાદાગીરી સામે આવી. તેજસ પટેલે ફેક્ટરી માલિક પાસે હપ્તાની માંગણી સાથે મારામારી કરી. તેજસ પટેલે પોતાના સાથીદારો સાથે ફેક્ટરીમાં ઘૂસી અને મારામારી કરી હતી. ત્યારે સમગ્ર ઘટનાનો વીડિયો સામે આવ્યો છે. ફેક્ટરી માલિકે નારોલ પોલીસ સ્ટેશનમાં ફરિયાદ નોંધાવી છે. ત્યારે સવાલો ઉઠી રહ્યાં છે કે મહિલા કોર્પોરેટર ચાંદની પટેલના પતિ તેજસ પટેલ પર કાર્યવાહી ક્યારે કરાશે ?. નારોલ પોલીસ કેમ તેજસ પટેલ સામે કાર્યવાહી નથી કરતી ?. મહિલા કોર્પોરેટર ચાંદની પટેલના પતિ શેનો હપ્તો ઉઘરાવે છે? પત્ની મહિલા કોર્પોરેટર છે એટલે દાદાગીરી કરશો ? લોકોની સેવા કરવાનું કહી કોર્પોરેટર બનેલા ચાંદની પટેલ કેમ કંઇ બોલતા નથી?. તેજસ પટેલ ફેક્ટરી માલિક પાસે હપ્તાની કેમ માગણી કરે છે?. મહિલા કોર્પોરેટરના પતિ કેટલા સમયથી આવો હપ્તો ઉઘરાવે છે?.