કોરોમંડલ ટ્રેન દુર્ઘટના / બાલાસોર રેલ અકસ્માત મામલે CBIએ નોંધી FIR, ઘટનાસ્થળે ચેક કર્યાં ટ્રેનના પાટા અને સિગ્નલ

• કોરોમંડલ ટ્રેન દુર્ઘટનના અંગે CBIની તપાસ શરૂ
• CBIએ સમગ્ર મામલા અંગે FIR નોંધી
• પટરી અને સિગ્નલ રૂમનું નિરીક્ષણ કર્યું

ઓડિશાનાં બાલાસોર જિલ્લામાં થયેલ ટ્રેન એક્સિડેંટની તપાસ હવે CBIનાં હાથમાં સોંપવામાં આવી છે. મંગળવાર એટલે કે 6 જૂનનાં રોજ CBIએ આ મામલામાં FIR નોંધી છે. સીબીઆઈ અધિકારીએ જણાવ્યું કે એક ટીમે બાલાસોર પહોંચીને ઘટનાસ્થળ પર તપાસ કરી છે. તેમણે કહ્યું કે CBIએ રેલ મંત્રાલયની વિનંતી, ઓડિશા સરકારની સહમતિ અને કેન્દ્ર સરકારનાં આદેશોનાં આધારે કોરોમંડલ એક્સપ્રેસ, યશવંતપુર-હાવડા એક્સપ્રેસ અને એક માલગાડી સંબંધિત ટ્રેન દુર્ઘટનાનાં મામલામાં કેસ નોંધ્યો છે. અત્રે ઉલ્લેખનીય છે કે આ દુર્ઘટનામાં અત્યાર સુધી 278 લોકોનું મૃત્યુ થયું છે અને 1000થી વધુ લોકો ઘાયલ છે.

CBI registers FIR in Coromandel Express train accident in Odisha, team visits site

Read @ANI Story | https://t.co/g4NHDjuSFk#CBI #Odisha #CoromondalExpress #OdishaTrainAccident pic.twitter.com/alVaztzy2E

— ANI Digital (@ani_digital) June 6, 2023

CBIની તપાસ શરૂ
CBIની ટીમે મંગળવારે સિગ્નલ રૂમ અને રેલ પટરીઓનું નિરીક્ષણ કર્યું. સાથે જ બાહાનગા બજાર રેલ્વે સ્ટેશન પર તૈનાત રેલ્વે અધિકારી સાથે પૂછપરછ પણ કરી. CBI અધિકારીઓની સાથે ફોરેંસિક ટીમ પણ ઘટનાસ્થળે પહોંચી હતી. ફોરેંસિક ટીમે પણ સિગ્નલ રૂમનાં કર્મચારીઓ  સાથે વાતચીત કરી અને ઉપકરણોનાં ઉપયોગ અને તેમનાં કામ કરવાની રીત અંગે માહિતી મેળવી.

હાવડાથી ચેન્નઈ તરફ જતી કોરોમંડલ એક્સપ્રેસ ટ્રેન શુક્રવારે સાંજે એક મોટા અકસ્માતનો શિકાર બની હતી. મળતી માહિતી મુજબ આ ટ્રેન ઓડિશાના બાલાસોરથી લગભગ 40 કિલોમીટર દૂર એક માલગાડી સાથે અથડાઈ હતી. આ દુર્ઘટનામાં અત્યાર સુધીમાં 278 લોકોના મૃત્યુ થયા હોવાનું સામે આવ્યું છે. તો બીજી તરફ મોટી સંખ્યામાં લોકો ઈજાગ્રસ્ત થયા છે.