- દરેક વ્યક્તિનું પોતાની ગાડી ખરીદવાનું સપનું હોય
- ગાડી ખરીદતા પહેલા કઈ બાબત ધ્યાનમાં રાખવી જોઈ
- કાર ખરીદતા સમયે ફોલો કરો આ ટિપ્સ
દરેક વ્યક્તિનું પોતાની ગાડી ખરીદવાનું સપનું હોય છે. જે માટે રાત દિવસ મહેનત કરે છે અને પૈસા ભેગા કરે છે. અનેક લોકો ઉતાવળમાં ગાડીની ખરીદી કરે છે અને કેટલીક બાબતોનું ધ્યાન રાખતા નથી. ગાડી ખરીદતા પહેલા કઈ બાબત ધ્યાનમાં રાખવી જોઈએ, તે અંગે અહીંયા જણાવવામાં આવ્યું છે.
ક્ષમતા અનુસાર બજેટ બનાવો
ગાડી ખરીદતા પહેલા સૌથી પહેલા બજેટ જરૂરથી બનાવવું જોઈએ. ગાડી ખરીદવા માટે માત્ર કારની કિંમત નહીં, પરંતુ ફ્યુઅલ, રજિસ્ટ્રેશન, મેઈન્ટેનન્સ, ઈન્શ્યોરન્સ, EMI તથા અન્ય અલગ અલગ ખર્ચા શામેલ હોય છે. આ કારણોસર દર મહિને કેટલો ખર્ચો કરી શકો છો, તે નક્કી કરવું જરૂરી છે.
રિસર્ચ
બજારમાં અનેક કાર કંપનીઓ અને મોડલ છે, આ કારણોસર યોગ્ય કારની પસંદગી કરવી જરૂરી છે. ગાડી ખરીદતા પહેલા જરૂરિયાત અને બજેટ અનુસાર તમામ મોડલ્સની ટેસ્ટ ડ્રાઈવ કરો, અલગ અલગ શોરૂમમાં જઈને તે ગાડીના ગ્રાહકો સાથે ચર્ચા કરીને યોગ્ય નિર્ણય લેવો જોઈએ.
સમજી વિચારીને નિર્ણય લેવો
કાર લેવાની યોજના બનાવી રહ્યા છો, તો એક વિશ્વસનીય ફાઈનાન્સર પસંદ કરો, જે ફ્લેક્સિબલ રિપે ટર્મ અને ઓછું વ્યાજદર આપતા હોય. તમે તમારા માટે યોગ્ય કાર લોનની પસંદ કરી શકો છો.
અલગ અલગ મોડલની સરખામણી કરો
બજારમાં કારના અલગ અલગ મોડલ છે. તમે તમારા માટે યોગ્ય કાર પસંદ કરવા માટે અલગ અલગ મોડલ્સનું માઈલેજ, વેરિએન્ટ, પ્રકાર, સ્પેસિફિકેશન, એન્જિન ક્ષમતાની ઓનલાઈન સરખામણી કરવી.
રિસેલ વેલ્યૂ
કાર શોરૂમમાંથી બહાર નીકળ્યા પછી તેની વેલ્યૂ ઓછી થવા લાગે છે. કાર ખરીદવાના પહેલા વર્ષમાં જ કારની કિંમત 30% ઓછી થઈ જાય છે. આ કારણોસર કાર ખરીદ્યા પછી વેચવાનું નક્કી કરો તો આ કારની કેટલી કિંમત મળશે, તે બાબત ખાસ ધ્યાનમાં રાખવી.
એકસ્ટ્રા ખર્ચ
કાર ખરીદવાના ઉત્સાહમાં અન્ય ખર્ચાઓને ના અવગણવા જોઈએ. અન્ય ખર્ચાઓમાં એડવાન્સ EMI, સર્વિસ ટેક્સ વીમા, રજિસ્ટ્રેશન ફી, ડિલીવરી ચાર્જ તથા અન્ય ટેક્સ શામેલ છે.
ડિસ્કાઉન્ટ
કાર ડીલર ડિસ્કાઉન્ટ આપતા હોય છે. જેમાં પહેલા વર્ષ માટે મફત વીમો, મફત એક્સેસરીઝ અને ફ્રી ફ્યૂઅલની સુવિધા શામેલ છે. આ કારણોસર કાર ડીલર પાસેથી વધુ ડિસ્કાઉન્ટ માંગવાની કોશિશ કરો. કારની ખરીદી માટે તહેવાર, કેલેન્ડર વર્ષની સમાપ્તિ અને નાણાંકીય વર્ષની સમાપ્તિને સૌથી સારો સમય માનવામાં આવે છે.
.jpg)
