નવો નિયમ / કેનેડામાં અભ્યાસ કરવાનું વિચારી રહ્યાં છો? તો હવે ભારતીય વિદ્યાર્થીઓને ભણવું મોંઘુ પડશે, જાણી લેજો આ નવો નિયમ

• કેનેડા જઈને ભણવાનું સપનું થયું મોંઘુ 
• ટ્રૂડો સરકારે સ્ટૂડન્ટ્સ ફંડ કર્યું ડબલ 
• જાણો નિયમોમાં શું થયા છે ફેરફાર 

કેનેડા જઈને અભ્યાસ કરનાર ભારતીય વિદ્યાર્થીઓને મોટો ઝટકો લાગી ગયો છે. કેનેડામાં અભ્યાસ કરી રહેલા ભારતીય વિદ્યાર્થીઓને હવે વધારે પૈસા ખર્ચ કરવા પડી શકે છે. કારણ કે ટ્રૂડો સરકારે નિયમોમાં કંઈક ફેરફાર કર્યો છે. એવામાં હવે વિદ્યાર્થીઓને ટ્યૂશન ફી ઉપરાંત વધારે પૈસાની જરૂર પડશે. 

કેનેડા માટે સ્ટડી વિઝી લેનાર વિદ્યાર્થીઓને હાલ 10 હજાર ડોલરની જરૂર પડે છે. પરંતુ હવે એક વિદ્યાર્થીને પોતાના ખાતામાં 20 હજાર 635 ડોલરની રકમ બતાવવી પડશે. આટલું જ નહીં જો વિદ્યાર્થીની સાથે કોઈ તેમના પરિવારનું સદસ્ય પણ સાથે આવે છે તો એડિશનલ 4 હજાર ડોલરની વ્યવસ્થા કરવી પડે છે. 

પંજાબીઓએ શરૂ કર્યો વિરોધ 
કેનેડા સરકારે આ પગલુ વસ્તી વધારા બાદ ભર્યું છે. જેથી કેનેડા આવનાર વિદ્યાર્થીઓની સંખ્યાને સીમિત કરી શકાય. જણાવી દઈએ કે કેનેડામાં હાલ 8 લાખથી વધારે વિદેશી વિદ્યાર્થીઓ અભ્યાસ કરવા આવે છે. તેમાંથી 3 લાખ 20 હજાર ફક્ત ભારતના છે. 

આ વિદ્યાર્થીઓમાં પણ 70 ટકા તો ફક્ત પંજાબી છે. ગુરૂવારે કેનેડા સરકારની અપ્રવાસન મંત્રી માર્ક મિલરે કહ્યું કે સપ્ટેમ્બર 2024થી પહેલા અમે વીઝાને લિમિટેડ કરવા માટે આ પગલુ ભરી રહ્યા છીએ.