બિઝનેસ / આવનાર સપ્તાહમાં 4 IPO બનાવશે માલામાલ, ક્યારે કરી શકશો રોકાણ, કેટલા રૂપિયા, જાણો A ટુ Z વિગત

• આવતા સપ્તાહમાં 4 કંપનીઓના IPO બહાર પડશે
• RR Kabelનો  IPO 13 સપ્ટેમ્બરે ખુલશે
• Chavda Infraનો 12મી સપ્ટેમ્બરે ખુલશે

IPOમાંથી પૈસા કમાવા માંગતા લોકો માટે આવનાર સપ્તાહમાં ઘણી તકો છે. આ અઠવાડિયે 4 કંપનીઓ તેમના IPO લઈને આવી રહી છે. સારા IPO ઘણીવાર રોકાણકારો માટો ફાયદો કરાવી જાય છે. એટલા માટે રોકાણકારો IPOની રાહ જોતા રહે છે. આ અઠવાડિયે જે 4 કંપનીઓનો IPO આવી રહ્યો છે તેમના નામ આ પ્રમાણે છે. RR Kabel, Samhi Hotels, Zaggle Prepaid Ocean Service અને Chavda Infra. તમને જણાવીએ કે, આ IPO માટે કેટલો બિડ થઈ શકે છે. તેમજ IPOમાં રોકાણ કરવા માટે ઓછામાં ઓછી કેટલી રકમ ખર્ચવામાં આવી શકે છે.

RR Kabel
આ કંપની ઇલેક્ટ્રિકલ પ્રોડક્ટ્સ બનાવે છે. તેનો IPO 13 સપ્ટેમ્બરે ખુલશે. આ માટે 15 સપ્ટેમ્બર સુધી બિડ કરી શકાશે. કંપનીએ શેર દીઠ ઇશ્યૂ પ્રાઇસ 983-1035 રૂપિયા રાખ્યું છે. 1 લોટમાં 14 શેર રાખવામાં આવ્યા છે. જો તમે ઉપલા ભાવે બિડ કરો છો તો તમારે ઓછામાં ઓછા 14490 રૂપિયાનું રોકાણ કરવું પડશે. આ IPOની કિંમત 1963 કરોડ રૂપિયા છે.

SAMHI હોટેલ્સ
આ IPO 14મી સપ્ટેમ્બરે ખુલશે. આ માટે 18મી સપ્ટેમ્બર સુધી બિડ કરી શકાશે. કંપની આમાંથી 1400 કરોડ રૂપિયા એકત્ર કરશે. આમાં ફ્રેશ ઈશ્યુ અને OFS બંને પ્રકારના શેરનો સમાવેશ થાય છે. આ IPOની ઈશ્યૂ કિંમત વિશે હાલમાં કોઈ માહિતી ઉપલબ્ધ નથી.

Zaggle Prepaid Ocean Service
એ ફિનટેક કંપની છે. તેનો IPO પણ 14 સપ્ટેમ્બરે ખુલશે. કંપની આ IPO દ્વારા 563 કરોડ રૂપિયા એકત્ર કરવાની યોજના બનાવી છે. રૂ. 392 કરોડનો નવો ઈશ્યુ અને રૂ. 171 કરોડની ઓફર ફોર સેલ હશે.

Chavda Infra
આ કંપનીનો આઈપીઓ 12મી સપ્ટેમ્બરે ખુલશે. કંપની IPO દ્વારા રૂ. 43.26 કરોડ એકત્ર કરશે. IPOની પ્રાઇસ બેન્ડ 60-65 રૂપિયા નક્કી કરવામાં આવી છે. આ IPO સંપૂર્ણપણે ફ્રેશ ઈશ્યુ આધારિત હશે. આ માટે 14મી સપ્ટેમ્બર સુધી જ બિડ કરી શકાશે.