- નાણાંપ્રધાન નિર્મલા સીતારમણે બજેટ 2024 રજૂ કર્યું
- નાણામંત્રીએ સામાન્ય લોકો માટે ઘણી મોટી જાહેરાતો કરી
- નિર્મલા સીતારમણના નામે સૌથી લાબું બજેટ ભાષણ આપવાનો રેકોર્ડ
- વર્ષ 2020માં લોકસભામાં 2.42 કલાકનું બજેટ ભાષણ આપ્યું હતું
- નાણામંત્રીએ બજેટ 2024માં તેમનું ભાષણ 60 મિનિટમાં પૂરું કર્યું હતું
નાણાં પ્રધાન નિર્મલા સીતારમણે આજે સંસદમાં નાણાકીય વર્ષ 2024-25 માટે સામાન્ય બજેટ (બજેટ 2024) રજૂ કર્યું. નાણામંત્રીએ આ બજેટમાં સામાન્ય લોકો માટે ઘણી મોટી જાહેરાતો કરી છે. નિર્મલા સીતારમણના બજેટ ભાષણમાં ખાસ જાહેરાતથી લોકોનું ધ્યાન તેમના બજેટ ભાષણના સમય પર હતું, કારણ કે નિર્મલા સીતારમણ અત્યાર સુધીનું સૌથી લાંબુ બજેટ ભાષણ વાંચવાનો રેકોર્ડ ધરાવે છે.
નાણામંત્રીએ બજેટ 2024માં તેમનું ભાષણ 60 મિનિટમાં પૂરું કર્યું
નાણામંત્રી નિર્મલા સીતારમણે વર્ષ 2020માં સૌથી લાંબુ બજેટ ભાષણ આપ્યું હતું. તેમણે લોકસભામાં 2.42 કલાકનું બજેટ ભાષણ આપ્યું હતું. જો કે, ત્યારથી તેમના બજેટ ભાષણનો સમય ઘટતો રહ્યો અને આજે પણ આ રેકોર્ડ તૂટ્યો નથી. નિર્મલા સીતારમણે મોદી સરકારના વચગાળાના બજેટ 2024માં તેમનું ભાષણ 60 મિનિટમાં પૂરું કર્યું હતું.
2020માં 2 કલાક 42 મિનિટનું સૌથી લાંબુ બજેટ ભાષણ
ગયા વર્ષે નાણામંત્રી નિર્મલા સીતારમણે મોદી સરકારના આ કાર્યકાળનું છેલ્લું પૂર્ણ બજેટ રજૂ કર્યું હતું. આ સામાન્ય બજેટ ભાષણનો સમય 1 કલાક 25 મિનિટનો હતો. નાણાકીય વર્ષ 2022-23નું બજેટ રજૂ કરવામાં તેમને 1 કલાક 31 મિનિટનો સમય લાગ્યો હતો. આ સિવાય વર્ષ 2019માં તેમણે 2 કલાક 17 મિનિટમાં પોતાનું બજેટ સ્પીચ પૂર્ણ કર્યું હતું. નિર્મલા સીતારમણે વર્ષ 2020માં 2 કલાક 42 મિનિટનું સૌથી લાંબુ બજેટ ભાષણ વાંચ્યું હતું, જેણે ભૂતપૂર્વ નાણામંત્રી જસવંત સિંહનો 2003નો રેકોર્ડ તોડ્યો હતો.
જસવંત સિંહે પણ એક રેકોર્ડ બનાવ્યો હતો
નિર્મલા સીતારમણ પહેલા જસવંત સિંહે સૌથી લાંબુ બજેટ ભાષણ આપવાનો રેકોર્ડ બનાવ્યો હતો. વર્ષ 2003માં તત્કાલિન નાણામંત્રી જસવંત સિંહે 2 કલાક 13 મિનિટનું ભાષણ વાંચ્યું હતું. જસવંત સિંહે સામાન્ય બજેટ રજૂ કરતી વખતે આ રેકોર્ડ બનાવ્યો હતો, જેને 2020માં નિર્મલા સીતારમણે તોડ્યો હતો.
વધુ વાંચો : બજેટ 2024માં મિડલ ક્લાસ માટે સ્પેશ્યલ જાહેરાત: ઘર માટે કર્યું મોટું એલાન, 300 યુનિટ વીજળીનો ફાયદો
કોણે સૌથી વધુ વખત બજેટ રજૂ કર્યું?
સૌથી વધુ વખત બજેટ રજૂ કરવાનો રેકોર્ડ મોરારજી દેસાઈના નામે છે. અત્યાર સુધીમાં, તેમણે નાણામંત્રી તરીકે ભારતનું બજેટ 10 વખત રજૂ કર્યું છે, જે સૌથી વધુ વખત છે. જેમાં આઠ સંપૂર્ણ સામાન્ય બજેટ અને બે વચગાળાના બજેટનો સમાવેશ થાય છે. મોરારજી દેસાઈ પછી સૌથી વધુ બજેટ પી. ચિદમ્બરમના નામે છે, જેઓ યુપીએ સરકારમાં નવ વખત નાણામંત્રી હતા. આ સિવાય પ્રણવ મુખર્જી અને યશવંત સિંહાએ 8-8 વખત બજેટ રજૂ કર્યું હતું. પૂર્વ વડાપ્રધાન મનમોહન સિંહ પણ છ વખત બજેટ રજૂ કરી ચૂક્યા છે.
_5.jpg)
