- 1 ફેબ્રુઆરીએ નાણા મંત્રી સીતારામણનું બજેટ
- સરકાર બજેટમાં ઈન્કમ ટેક્સ પેયર્સને આપી શકે રાહત
- બે સરકારી સૂત્રોએ કર્યો મોટો દાવો
- સરકાર ઈન્કમ ટેક્સ દરો ઘટાડી શકે
- બજેટમાં નવો ટેક્સ સ્લેબ રજૂ કરી શકે
કેન્દ્રીય નાણામંત્રી નિર્મલા સીતારમણ 1 ફેબ્રુઆરીએ દેશની સામે નાણાકીય વર્ષ 2023-23 માટે બજેટ રજૂ કરશે. નોકરીયાત લોકોને આ બજેટને લઈને ઘણી અપેક્ષાઓ છે. બે સરકારી સૂત્રોએ મંગળવારે જણાવ્યું હતું કે, સરકાર તેના સ્વૈચ્છિક આવકવેરા માળખા હેઠળ દરો ઘટાડવાની વિચારણા કરી રહ્યું છે અને 1 ફેબ્રુઆરીએ રજૂ થનારા કેન્દ્રીય બજેટમાં સુધારેલો સ્લેબ રજૂ કરી શકે છે.
અંતિમ નિર્ણય પીએમ કાર્યાલય લેશે
જો કે સૂત્રોનું કહેવું છે કે આ અંગે અંતિમ નિર્ણય વડાપ્રધાન કાર્યાલય કરશે જોકે સત્તાવાર રીતે આ અંગે કંઈ કહેવાયું નથી.
હાલમાં કરદાતાઓને બેમાંથી એકની પસંદગી કરવાની છૂટ
હાલ કરદાતાઓને જૂની અને નવી કરપ્રણાલીમાંથી એકની પસંદગી કરવાની તક મળે છે. દેશમાં દર વર્ષે 500,000 રૂપિયાની ઓછામાં ઓછી વાર્ષિક આવક પર ઈનકમ ટેક્સ લાગે છે. નવી યોજના હેઠળ વાર્ષિક 5,00,000થી 750,000 રૂપિયા સુધીની કમાણી કરનારાઓએ જૂના નિયમો હેઠળ લાગુ 20 ટકાના દર સામે 10 ટકા ટેક્સ ભરવો પડશે, જ્યારે 15 લાખ રૂપિયાથી વધુની વાર્ષિક આવક પર 30 ટકા ટેક્સ લાગે છે.
આ કારણે નવી ટેક્સ સિસ્ટમ પસંદ નથી આવી
હકીકતમાં, નવી વૈકલ્પિક આવકવેરા યોજના, જેણે કરવેરાના નિયમોને સરળ બનાવ્યા હતા અને કરવેરામાં પણ રાહત આપી હતી, તે મોટાભાગના લોકોને આકર્ષિત કરી શકી ન હતી. આ અંગે ખુલાસો કરતાં નિષ્ણાતો કહે છે કે આ કરવેરા પદ્ધતિ ભાડાનાં ઘરો અને વીમા પર અન્ય બાબતોની સાથે કરમુક્તિ આપતી નથી. એક સરકારી સૂત્રએ જણાવ્યું હતું કે, "નવી આવકવેરા પ્રણાલીમાં છૂટ અને કર ઘટાડાને મંજૂરી આપવાથી તે જટિલ બનશે.
