સંસદ / BUDGET : ઈન્કમ ટેક્સ સ્લેબમાં કોઈ ફેરફાર નહીં, ક્રિપ્ટોકરન્સીની આવક પર ધરખમ ટેક્સ ઝીંકાયો

• મોદી સરકારે ઈન્કમ ટેક્સ સ્લેબ યથાવત રાખ્યા 
• ઈન્કમ ટેક્સ સ્લેબમાં કોઈ ફેરફાર નહીં
• ક્રિપ્ટોકરન્સી પર લાગશે 30 ટકા કર 

નોકરિયાતોને બજેટમાં આવકવેરા અંગે સૌથી વધુ અપેક્ષાઓ હોય છે. આ વખતે પણ એવું જ હતું. પરંતુ આ આશા પૂરી થઈ ન હતી. લોકો છેલ્લા આઠ વર્ષથી આવકવેરામાં છૂટની માંગ કરી રહ્યા છે. નાણામંત્રી નિર્મલા સીતારમણે પોતાના બજેટ ભાષણમાં આવકવેરામાં છૂટને લઈને કોઈ જાહેરાત કરી નથી. પગારદાર વર્ગ માટે આ સૌથી મોટો ઝટકો છે. વાસ્તવમાં કરદાતાઓને સતત 8 વર્ષ સુધી આવકવેરામાં છૂટની આશા હતી. આ અગાઉ વર્ષ 2014માં આવકવેરા ભરનારાઓને ટેક્સના મોરચે રાહત મળી હતી. કરદાતાઓની માંગ છે કે છેલ્લા આઠ વર્ષમાં ઘણા બધા ફેરફારો થયા છે. મોંઘવારી વધી છે, ખર્ચા વધ્યા છે. પરંતુ ટેક્સના મોરચે કોઈ રાહત મળી ન હતી. હવે આપણે ફરી એક વર્ષ રાહ જોવી પડશે. જૂના સ્લેબ મુજબ કરદાતાઓએ આવકવેરો ભરવો પડશે.

2022-23ના બજેટમાં પગારદાર વર્ગને કોઈ રાહત નહીં 

2022-23ના બજેટમાં પગારદાર વર્ગને કોઈ રાહત મળી નથી. મોદી સરકારે ઈન્કમ ટેક્સ સ્લેબને યથાવત રાખવાની મોટી જાહેરાત કરી છે. નાણામંત્રી નિર્મલા સીતારામણે કહ્યું કે ઈન્કમ ટેક્સ સ્લેબમાં ફેરફારનું સરકારનું કોઈ આયોજન નથી, તેને યથાવત સ્થિતિએ જાળવી રખાયા છે. નાણામંત્રી નિર્મલા સીતારમણે ડાયરેક્ટ ટેક્સના મામલે મોટા સુધારાની જાહેરાત કરી છે. હવે ભારતમાં અપડેટેડ ટેક્સ ફોર્મ બહાર પાડવામાં આવ્યું છે.

ક્રિપ્ટોકરન્સી પર લાગશે 30 ટકા કર 
નિર્મલા સીતારામણે ક્રિપ્ટોકરન્સી પર 30 ટકા ટેક્સ લગાડવાની પણ જાહેરાત કરી છે. બજેટ ભાષણમાં તેમણે કહ્યું કે ક્રિપ્ટોકરન્સી પર 30 ટકા ટેક્સ લગાડવાનો સરકારનો પ્રસ્તાવ છે. 

I propose to provide that any income from transfer of any virtual digital asset shall be taxed at the rate of 30%. No deduction in respect of any expenditure or allowance shall be allowed while computing such income, except cost of acquisition: FM @nsitharaman

— Prasar Bharati News Services पी.बी.एन.एस. (@PBNS_India) February 1, 2022

NPS ટિયર-1માં અત્યાર સુધી 10 ટકા રક સુધી ઈન્કમ ટેક્સ પર છૂટ મળતી હતી, જે હવે કેન્દ્ર અને રાજ્ય સરકારના સ્ટાફને 15 ટકા સુધી રોકાણ કરવા પર છૂટ મળશે.

સ્ટાર્ટઅપને પ્રોત્સાહન આપવા માર્ચ 2023 સુધી ટેક્સમાં છૂટ 
દેશમાં સ્ટાર્ટઅપને પ્રોત્સાહન આપવા માટે સરકારે માર્ચ 2023 સુધી ટેક્સમાં છૂટ આપવાની જાહેરાત કરાઈ છે. આવકની ઘોષણા નહીં કરાય તો સર્ચ કરતી વખતે જે રકમ મળશે તેના પર સંપૂર્ણ ટેક્સ ચૂકવવો પડશે. બિઝનેસ પ્રમોશન માટે એજન્ટને દર વર્ષે 20000 રૂપિયાથી વધારાની ગિફ્ટ પર ટેક્સ આપવો પડશે

બે વર્ષ માટે આવકવેરા રિટર્ન ફાઇલ કરી શકાશે

લોકો હવે બે વર્ષ માટે તેમનું આવકવેરા રિટર્ન ફાઇલ કરી શકશે. જો આવકવેરા રિટર્નમાં કંઇક ખોટી રીતે છોડી દેવામાં આવ્યું હોય, તો તેને સુધારી શકાય છે.

સહકારી મંડળીએ હવે 14 ટકાની MAT ચૂકવવી પડશે

સહકારી મંડળીએ હવે 14 ટકાની MAT ચૂકવવી પડશે. એક કરોડથી 10 કરોડની આવક ધરાવતી સોસાયટીએ માત્ર 7 ટકા સરચાર્જ ચૂકવવો પડશે. 

ઈન્કમટેક્સ સ્લેબમાં કોઈ ફેરફાર નહીં, ગત વર્ષની મુજબ જ લાગુ પડશે
- ITRમાં ભૂલ ઠીક કરવા માટે 2 વર્ષ સુધી અપડેટેડ રિટર્ન ફાઈલ કરી શકાશે
- ડિજીટલ એસેટ ટ્રાન્સ્ફર (ક્રિપ્ટોકરન્સી)ની આવક પર 30 ટકા ટેક્સ
- ક્રિપ્ટોકરન્સીમાં નુકસાન જશે તો પણ ટેક્સ ચૂકવવો પડશે
- દરેક પ્રકારના કેપિટલ ગેઈન પર 15 ટકા ટેક્સ
- સહકારી સમિતિઓ ટેક્સ ઘટાડીને 15 ટકા કરાયો
- દિવ્યાંગોને ટેક્સમાંથી રાહત અપાઈ

 નવો ઈન્કમ ટેક્સ સ્લેબ
0 થી 2.5 લાખ સુધી- 0 ટકા
2.5 લાખથી 5 લાખ સુધી-5 ટકા
5 લાખથી 7.5 લાખ સુધી 10 ટકા
7.50 લાખથી 10 લાખ સુધી 15 ટકા
10 લાખથી 12.50 લાખ સુધી 20 ટકા
12.50 લાખથી 15 લાખ 20 ટકા
15 લાખથી ઉપરની આવક પર 30 ટકા 

જુનો આવકવેરા સ્લેબ
2.5 લાખ સુધી-0 ટકા
2.5 લાખથી 5 લાખ સુધી-5 ટકા
5 લાખથી 10 લાખ સુધી 20 ટકા 
10 લાખથી ઉપર 30 ટકા