નજર લાગી / શેર બજાર ધડામ કરતું નીચે પટકાયું: સેન્સેક્સ 500 પોઈન્ટ તૂટયો, સપ્તાહના અંતિમ દિવસે આ રોકાણકારો નાહ્યાં

• સ્ટોક માર્કેટમાં અનેક રોકાણકારોએ અનુભવ્યો 'શોક' 
• સપ્તાહના છેલ્લા કારોબારી દિવસે શેર બજાર ધડામ દઈને નીચું પછડાયુ
• ]સેન્સેક્સ આજે 505ના કડાકા સાથે તુટીને 65, 280 પર બંધ

છેલ્લા કેટલાક દિવસથી તેજીને લઈને શેર બજારમાં રોકાણકારો પ્રોત્સાહિત થયા હતા. જોકે સ્ટોક માર્કેટમાં રોકાણ દરમિયાન આજે અનેક રોકાણકારોએ 'શોક' અનુભવ્યો હતો. સપ્તાહના છેલ્લા કારોબારી દિવસે શેર બજાર ધડામ દઈને નીચું પછડાતા રોકાણકારોને રાતે પાણીએ રોવાનો વારો આવ્યો હતો BSE સેન્સેક્સ આજે 505ના કડાકા સાથે તુટીને 65, 280 પર બંધ થયો હતો બીજી તરફ નિફ્ટી પણ 165 તૂટીને 19,331 અંક પર અટક્યો હતો. જેને લઈને બજારમાં નરમાઈ જોવા મળી હતી. જોકે એફએમસીજી અને બેન્કિંગ શેરો બજારની નરમાઈમાં અગ્રીમ રહ્યા હતા. તો મીડિયા શહેરોમાં જોરદાર ખરીદી જોવા મળી હતી. જેમાં એનએસઇ પર મીડિયા ઇન્ડેક્સ ત્રણ ટકાથી વધ્યો હતો.

hero સહિતના શેર સ્ટાર ગીનર્સ
શેર બજારમાં રેકોર્ડ મુજબ સેન્સેક્સ ઇન્ટ્રાડેમાં 65,898 અને નિફટી 19523 ની સપાટીને સ્પર્શી ગયો હતો. નિફટીમાં સપ્તાહ દરમિયાન hero સહિતના શેર સ્ટાર ગીનર્સ રહ્યા હતા. જેમાં હીરોના શેરમા 8.12 ટકાનો વધારો નોંધાયો હતો. તો એમએન્ડએમના શેરમાં 7.60 ટકા અને bpcl ના શેરમાં 7.40 ટકા અને બજાજ ફાઇનાન્સ ના શેર માં 6.40 ટકા નો વધારો નોંધાયો હતો. બીજી તરફ EICHER મોટર્સમાં 11.15% અને upl માં 3.7 ટકા તથા ટાટા કસ્ટમરના શેર 3.30 ટકા માઇન્સમાં રહ્યા હતા.