SHORT & SIMPLE / અમદાવાદમાં ફરી બેફામ બની BRTS બસ, ટ્યુશનથી ઘેર જતા વિદ્યાર્થીને મારી ટક્કર, લોકોએ ડ્રાઈવરને ધોઈ નાખ્યો

• અમદાવાદમાં BRTS બસે વિદ્યાર્થીને લીધો અડફેટે  
• મણિનગર રેલવે ફાટકથી જયહિંદ ચાર રસ્તાના રૂટ પર બની ઘટના
• ઈજાગ્રસ્ત વિદ્યાર્થીને સારવાર માટે હોસ્પિટલ ખસેડાયો

અમદાવાદમાં BRTS બસે વિદ્યાર્થીને અડફેટે લેતા વિદ્યાર્થી ઈજાગ્રસ્ત થવા પામ્યો હતો. ત્યારે મણિનગર રેલ્વે ફાટકથી જયહિંદ ચાર રસ્તાનાં રૂટ પર સ્વામીનારાયણ મંદિરનાં ટાવર સામે અકસ્માત થયો હતો. ક્લાસીસ પૂર્ણ કરીને વિદ્યાર્થી BRTS રેલિંગ ઓળંગી રહ્યો હતો. તે દરમ્યાન ઘટના બનવા પામી હતી. BRTS બસની અડફેટથી વિદ્યાર્થીને ગંભીર ઈજાઓ પહોચવા પામી હતી. ઈજાગ્રસ્ત વિદ્યાર્થીને સારવાર માટે હોસ્પિટલ ખસેડાયો હતો. આ ઘટનાથી રોષે ભરાયેલા સ્થાનિકોએ બસ ચાલકને માર માર્યો હતો. બસ ચાલક સાથે મારામારી થતા સ્થાનિક પોલીસે પહોંચી કાયદેસરની કાર્યવાહિ હાથ ધરી હતી.

અકસ્માત સમયે હાજર રહેલ ટોળાએ મને માર માર્યો હતોઃ ડ્રાઈવર 
આ બાબતે ડ્રાઈવરે જણાવ્યું હતું કે BRTS કોરીડોરમાંથી મારી ગાડી પસાર થઈ હતી. ત્યારે મેં હોર્ન માર્યો. તે સમયે વિદ્યાર્થી ઉભો રહ્યો.  જે બાદ હું નીકળ્યો હતો જે બાદ વિદ્યાર્થી કૂદકો મારીને આગળ નીકળી ગયો હતો. તે સમયે મેં બ્રેક મારી દીધી હતી અને વિદ્યાર્થી બસ સાથે ટકરાઈને નીચે પડ્યો હતો. ગાડીમાં લગભગ 10 થી 15 જેટલા પેસેન્જરો હતા. અકસ્માત સમયે અહીંયા જે લોકો ઉભા હતા. તે લોકો મને મારવા લાગ્યા હતા. આ બાબતની જાણ અમારા સાહેબને કરી છે તેઓ હમણાં આવે છે તેમ કહ્યું હતું.