ચંદ્રયાન-3 / ભારત સફળ થયું તો અમુકને ઈર્ષ્યા થવા લાગી: બ્રિટિશ નેતાએ કર્યું વિવાદિત ટ્વિટ તો લોકોએ કહ્યું કોહિનૂર પાછું આપો

• ચંદ્રયાન મિશનને લઈને બ્રિટનનાં નેતાનું ટ્વિટ
• શુભેચ્છા પાઠવવા કરી વ્યંગાત્મક ટિપ્પણી
• ભારતીય યૂઝર્સે ભડકીને કર્યો પલટવાર

ભારતે શુક્રવારે ચંદ્રયાન-3 મિશન લૉન્ચ કર્યું. આ મિશન અંતર્ગત ચંદ્ર પર વિક્રમ લેન્ડર અને પ્રજ્ઞાન રોવર મોકલવામાં આવ્યું છે. દુનિયાભરનાં દેશો અને લોકો આ મિશનને લઈને ભારતને શુભેચ્છા પાઠવી રહ્યાં છે પરંતુ કેટલાક લોકોને ભારતની પ્રગતિ પચતી નથી. બ્રિટનનાં એક નેતાએ કંઈક એવું ટ્વીટ કર્યું જે જોઈને ભારતીયો ભડકી ઊઠ્યાં.

Well done India on the success of your space programme.
And shame on UK politicians who keep unnecessarily giving India tens of millions of pounds in ‘foreign aid’. pic.twitter.com/1IlgghCsqi

— Paul Golding (@GoldingBF) July 14, 2023

પૉલ ગોલ્ડિંગે વ્યંગાત્મક રીતે ટ્વીટ કર્યું
બ્રિટન ફર્સ્ટ પાર્ટીનાં નેતા પૉલ ગોલ્ડિંગે વ્યંગાત્મક રીતે ટ્વીટ કરતાં કહ્યું કે,' તમારા અંતરિક્ષ કાર્યક્રમની સફળતા બદલ શુભેચ્છા અને બ્રિટનનાં રાજનેતાઓને શરમ આવવી જોઈએ કે જેઓ બિનજરૂરી રૂપે ભારતને વિદેશી મદદનાં રૂપમાં લાખો પાઉન્ડ આપતાં રહે છે.' તેમના આ ટ્વીટથી એવું લાગી રહ્યું છે કે ભારતનાં લોકો બ્રિટન તરફથી મળતી મદદ પર જીવે છે. નેતાનાં આ નિવેદન પર ભારતીયોએ પલટવાર કર્યો છે. એક વ્યક્તિએ તો લખ્યું કે,'બ્રિટને આજની કિંમતનાં હિસાબે ભારત પાસેથી 45 ટ્રિલિયન ડૉલર લૂટ્યાં છે.'

'ભારતમાંથી લૂટેલી ચીજો પરત કરો'
ટ્વીટ પર ઘણાં લોકોએ કહ્યું કે ભારત સરકારે બ્રિટનની મદદ લેવાનું બંધ કરી દીધું છે. જે પણ મદદ વિદેશથી આવે છે તે ભારતનાં NGOમાં જાયે છે. તો કેટલાક લોકોએ યાદ અપાવ્યું કે 'બ્રિટનનાં મ્યૂઝિયમમાં ભારતમાંથી લૂટેલી ચીજો ભરેલી છે.' યૂઝર્સે જણાવ્યું કે' કોહિનૂર હીરો પણ બ્રિટિશ મ્યૂઝિયમમાં છે.' કેટલાકે લખ્યું કે 'મદદ આપવાની જગ્યાએ બસ ભારતમાંથી લૂટેલી ચીજો પરત કરી દો. '