હેલ્થ / માસ્ટર ખનીજ મેગ્નેશિયમનું લેવલ ઘટવા પર શરીર આપે છે કેટલાક સંકેતો, ઈગ્નોર કરવાની ભૂલ ન કરશો

• શરીરમાં પોષકતત્વોની ઊણપ સમસ્યા સર્જી શકે છે
• મેગ્નેશિયમને માસ્ટર ખનીજ માનવામાં આવે છે
• મેગ્નેશિયમની ઊણપને લીધે શરીરમાં અનેક પ્રકારની સમસ્યાઓ આવે છે

શરીરને સ્વસ્થ રાખવા માટે આપણને અનેક પ્રકારનાં પોષકતત્વો જરૂરી હોય છે. મેગ્નેશિયમ પણ તેમાંનું એક છે. મેગ્નેશિયમ એક ખનીજ છે જે શરીર માટે ઘણું જરૂરી હોય છે તેથી તેને માસ્ટર ખનીજ કહેવામાં આવે છે. આ માંસપેશીઓ અને હાડકાઓને મજબૂત કરવા માટે જરૂરી માનવામાં આવે છે. આ સાથે જ હદયનાં સ્વાસ્થ્ય માટે પણ મેગ્નેશિયમ જરૂરી હોય છે.

દિવસમાં કેટલા મિલીગ્રામ મેગ્નેશિયમનું સેવન કરવું?
એક વયસ્કે એક દિવસમાં 360-410 મિલીગ્રામ મેગ્નેશિયમનું સેવન કરવું જોઈએ. મેગ્નેશિયમનું સેવન ઓછું કરવાથી શરીરમાં પોષકતત્વો ઘટવા લાગે છે.  જ્યારે શરીરમાં મેગ્નેશિયમ ઘટી જાય છે ત્યારે શરીર આપણને સંકેતો આપે છે. 

સ્નાયુઓમાં ખેંચાણ
રાતનાં સમયે પગમાં ખાલી ચડી જવી અથવા તો માંસપેશીઓમાં ખેંચાણ થવા લાગે છે. માંસપેશીઓ સારી રીતે કામ કરે તે માટે મેગ્નેશિયમ ઘણું જરૂરી માનવામાં આવે છે.

કામ બાદ થાકનો અનુભવ
મેગ્નેશિયમની ઊણપને કારણે તમને થાક અને કમજોરીનો સામનો કરવો પડે છે. આ મિનરલ શરીરમાં એનર્જી પ્રોડક્શન માટે ઘણું જરૂરી હોય છે.

વારંવાર માથું દુ:ખવું
શરીરમાં મેગ્નેશિયમનું લેવલ ઘટી જાય તો વારંવાર માથું દુ:ખવાનું શરૂ થઈ શકે છે. તેથી જરૂરી છે કે તમે ડોક્ટરનો સંપર્ક કરો અને મેગ્નેશિયમથી ભરપૂર આહારનું સેવન કરો.

ભૂખ અચાનક ઘટી જવી
ઊલ્ટી, ભૂખ ઓછી લાગવી વગેરે સમસ્યાઓ મેગ્નેશિયમની ઊણપને કારણે થવા લાગે છે. તેનાથી પાચન સંબંધિત સમસ્યાઓ થવા લાગે છે જેનાથી ભૂખ ઓછી થઈ જાય છે.

આંખ વારંવાર ફડકવી
મેગ્નેશિયમ, મસલ્સને રિલેક્સ કરે છે અને તેની ઊણપને કારણે મસલ્સ પર ઘણો વધારે સ્ટ્રેસ પડે છે. જેના લીધે આંખો રિલેક્સ નથી કરી શકતી અને ફડકવા લાગે છે.

કબજિયાતની સમસ્યા
મેગ્નેશિયમ બાઉલ મૂવમેંટમાં મહત્વનો ભાગ ભજવે છે. બાઉલ મૂવમેંટને સરળ કરવા માટે મેગ્નેશિયમ આંતરડામાં પાણીની માત્રાને વધારે છે. પણ જો શરીરમાં મેગ્નેશિયમ ઓછું હોય તો કબજિયાતની સમસ્યા થઈ શકે છે.