- બિહારના રાજનીતીમાં સૌથી મોટા સમાચાર
- દર 3 વર્ષે નીતિશ કુમારને આવે છે PM બનવાના સપના
- ગૃહમંત્રી અમિત શાહે એક રેલીને સંબોધન કર્યુ
બિહારના વાલ્મિકી નગરમાં આજે ગૃહમંત્રી અમિત શાહે રેલીને સંબોધીત કરી હતી. જેમાં તેમણે બિહારની રાજનીતિ અને નીતિશ કુમાર પર અનેક ચાબખા મારતા લોકોને પુછ્યુ હતુ કે, શુ તમારે જંગલ રાજથી આઝાદી જોઈએ છે કે નહીં ? આ ઉપરાંત રેલીમાં આવેલી તમામ ભીડને લઈને તેમણે કહ્યુ હતુ કે, હું તમારા પ્રેમને સલામ કરૂ છુ. તેમજ વિધાનસભાની ચૂંટણીમાં ભાજપ પાસે સૌથી વધુ સીટો હતી તેમ છતાં મુખ્ય મંત્રી નીતિશ કુમારને બનાવવામાં આવ્યા હતા. પરંતુ અત્યારે જંગલ રાજના નેતા એવા લાલુ પ્રસાદ યાદવના ખોળામાં બેસી ગયા છે અને સરકાર બનાવી છે. તેથી હવે નીતિશ કુમાર અનેક વખત આવી ચુક્યા છે અને હવે તેમના માટે ભાજપના દરવાજા કાયમ બંધ જ છે.
મહાગઠબંધન દ્વારા પણ રેલી યોજી
બીજી તરફ આજે મહાગઠબંધન દ્વારા પણ રેલી યોજી હતી. જેમાં સાતેય પાર્ટીના નેતાઓ હાજર રહ્યા હતા. ત્યારે આ રેલીમાં મુખ્યમંત્રી નીતિશ કુમાર, નાયબ મુખ્યમંત્રી તેજસ્વી યાદવ અને આરજેડીના સુપ્રિમો એવા લાલુ પ્રસાદ યાદવે પણ જનતાને સંબોધન કર્યુ હતુ. આ રેલીને સંબોધિત કરતા મુખ્યમંત્રીએ કહ્યુ હતુ કે, અમે સાત પાર્ટી એક સાથે જ છીએ, અમે તમામ લોકો એક સાથે મળી કામ કરી રહ્યા છીએ. તેમણે વધુમાં જણાવ્યુ હતુ કે, દેશભરમાંથી ઘણા ફોન આવ્યા છે જ્યારે અમે લોકો ભેગા થયા. તેમજ કોંગ્રેસની રાહ જોઈ રહ્યા હોવાનુ પણ લોકોની સામે રેલીમાં ઉલ્લેખ કરતા નીતિશ કુમારે કોંગ્રેસને સાથે આવવા માટેની વિનંતી કરી હતી. અને કહ્યુ હતુ કે જો કોંગ્રેસનો સાથ મળશે તો ભાજપને ૧૦૦ સીટ પણ નહીં આવે. અને જો આમ નહીં થાય તો ભાજપને ફાયદો થવાની પણ વાત લોકોની સામે રેલીમાં નીતિશ કુમારે કરી હતી.
