રાજનીતિ / કચ્છમાં કેસરિયો.! કોંગ્રેસ પાસેથી ભાજપે સત્તા છીનવી, 2 તાલુકા પંચાયતમાંથી પંજો ગયો, છેલ્લા ટાણે જુઓ શું ખેલ પડ્યો

• કચ્છની કોંગ્રેસ પ્રેરિત તાલુકા પંચાયતો ભાજપે છીનવી 
• લખપત અને અબડાસા તાલુકા પંચાયતમાં ભગવો લહેરાયો
• કોંગ્રેસના ચૂંટાયેલા સભ્યોએ ભાજપના દાવેદારોને સમર્થન આપ્યું

કચ્છમાં તાલુકા પંચાયતોને લઈ રાજકરાણ ગરમાયું છે. કચ્છ જિલ્લામાં જનતાના સીધા સંપર્કવાળી સંસ્થાઓમાંથી કોંગ્રેસની સત્તા ગઈ છે. આપને જણાવીએ કે, 2 તાલુકા પંચાયતમાં કોંગ્રેસની સત્તા છીનવીને ભાજપે કબજે કરી લીધી છે. લખપત અને અબડાસા તાલુકા પંચાયતમાં પર હવે ભાજપની સત્તા સ્થાપાઈ છે

લખપત અને અબડાસા તાલુકા પંચાયતમાં ભગવા રાજ
અત્રે આપને જણાવીએ કે, કચ્છમાં 10 તાલુકા પંચાયતમાંથી 2 તાલુકા પંચાયત કોંગ્રેસે જીતી હતી. રોસ્ટર બદલાતા અઢી વર્ષે એ 2 તાલુકા પંચાયત પણ કોંગ્રેસે ગુમાવી દીધી છે. કોંગ્રેસના સભ્યો ભાજપમાં ભળી જતા તમામ 10 તાલુકા પંચાયતમાં ભાજપનું શાસન આવી ગયું છે. 7 નગરપાલિકામાં 5 ભાજપ પાસે જ્યારે 2 નગરપાલિકામાં વહીવટી શાસન છે. તમામ 6 ધારાસભાની બેઠકો પણ ભાજપ પાસે અને સાંસદ પણ ભાજપના જ છે.

કચ્છ ભાજપ પ્રમુખનું નિવેદન
કચ્છ જિલ્લા ભાજપ પ્રમુખ દેવજીભાઈ વરચંદે આ અંગે જણાવ્યું કે, કચ્છ જિલ્લામાં પંચાયતી શાસનમાં સંપૂણપણે ભાજપનું શાસન થઈ ગયું છે. વડાપ્રધાન તેમજ મુખ્યમંત્રીની કાર્ય પદ્ધતિથી પ્રેરાઈ કોંગ્રેસના સભ્યોએ પણ ટેકો આપ્યો છે. કોંગ્રેસના સભ્યોને તોડવાના કોંગ્રેસના આક્ષેપો પાયાવિહોણા છે.